MWAKILISHI CUP CHAMBANI YAZINDULIWA, NADHAF YATUPWA NJE

NA HAJI NASSOR, PEMBA@@@@

TIMU ya soka ya Nadhaf ya Wambaa, imetupwa nje kwa matuta na timu ya Mkaa, kwenye michauano ya kuwania kombe la Mwakilishi wa Jimbo la Chambani, baada ya kutoshana nguvu kwenye dakika 90.

Mchezo huo uliovuta hisia za wingi, ulikuwa wa ufunguzi, ulipigwa uwanja wa Wambaa, ambapo wanacheza kwa mtindo wa mtoano, na bingwa ataondoka na kitita cha shilingi milioni 1, kutokwa kwa Mwakilishi huyo.

Wakati wanaume hao wakishindwa kutambiana kwenye dakika za kawaida, hatua ya kupigiana mikaju ya penalti, ilifanyika na timu ya Nadhaf, ikipoteza mkwaju mmoja, na wenzao kundoka na yote mitano.

Kabla ya ngarambe hizo, Mwakilishi wa Jimbo la Chambani Bahati Khamis Kombo, alisema huo ni mwanzo, lakini kuna mashindani makubwa zaidi ya ngazi ya shehia yanakuja.

Alisema, mashindani ya msimu huu yenye zaidi ya timu 12, ni madogo na mshindi amepanga kupata shilingi milioni 1, ingawa hayanyokuja mshindi ataondoka na shilingi milioni 5.

Alieleza kuwa, wameamua kuanzisha michuano hiyo, kusudi kuibua vipaji vya wanamichezo, ambao vimekuwa vimelala kwa kukosa hamasa.

Mwakilishi huyo alieleza kuwa, anaamini kupitia michuano hiyo, wapo wachezaji, baadae wataunda timu za shehia ya kisha jimbo zima.

‘’Kama utabahatika kuingia kwenye timu ya jimbo, itakuwa ni sehemyu madhubuti ya mchezaji kujitangaaza, na hatimae ile dhana ya michezo ni ajira, itapatikana.

Katika hatua nyingine, Mwakilishi huyo aliwataka wachezaji wote wa michuano hiyo, kuzingatia sheria, kanuni, upendo na udugu kwenye michezo yao.

Wakati huo huo, Mwakilishi huyo alikabidhi mipira, jezi, filimbi kwa ajili ya kusaidia matayarisho ya michuano hiyo, ambayo inachezwa kwenye viwanja kadhaa jimboni humo.

Mapema Katibu wa Shirikisho la mpira wa miguu Zanzibar ‘ZFF’ wilaya ya Mkoani Juma Said Mohamed, amemuomba Mwakilishi na Mbunge wa Jimbo la Chambani, kuhakikisha baada ya michuano hiyo, kunaundwa timu ya jimbo.

Aidha, alipendekeza kuwa, kujengwa kwa uwanja japo mmoja wa kisasa ndani ya jimbo hilo, ili kuwajenga vijana ari na hamasa kupenda michezo.

Mapema Mwenyekiti wa CCM wilaya ya Mkoani Ali Nassor Juma, alisema kinachofanywa na Mwakilishi huyo, ni kuona anawaonesha njia vijana, za kujiajiri kupiti michezo.

‘’Ajira katika michezo, huanzia ngazi kama hii, ambapo mchezaji akifanya vizuri, atanunuliwa na vilabu vikubwa, na kuanza kujipatia maslahi,’’alifafanua.

Hata hivyo, alimtaka Mwakilishi huyo na Mbunge wa Jimbo la Chambani, kuendeleza michuano hiyo, kama walivyowaahidi wanamichezo jimboni humo.

Mdau wa michezo Jimbo la Chambani Said Mohamed Ali, alisema kitendo cha kuwepo kwa michuano hiyo, ni sehemu kwa vina kutimiza ndoto zao.

Katika michuano hiyo inayochezwa kwa mtindo wa mtoano, miongoni mwa vilabu vinavyoshiriki ni Mkaa, Nadhafu, Jango Bus, Small tiger, Chensoo, Mansooun, Andikoni FC, Vijana star, New Force, Mkondo, Ngwachani, Sahera Fc, Flamingo, Tumbi Fc, Tishio, Msumari, Black Mamba na Baraza.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog