MASHEHA WESHA, WAWI: 'TUNAZO ARDHI TAYARI KWA UJENZI WA OFISI'

NA HAJI NASSOR, PEMBA@@@@

MASHEHA wa shehia za Wawi na Wesha wilaya ya Chake chake Pemba, wamesema tayari wameshapata maeneo, kwa ajili ya ujenzi wa ofisi za masheha, kama agizo la serikali kuu, lilivyowataka kutafuta ardhi kwa kazi hiyo.

Walisema, kwa sasa wanachosubiri ni serikali kuanza upelekaji vifaa kwa ajili ya ujenzi wa ofisi hizo, hasa baada ya maeneo hayo, kuyamiliki kisheria.

Wakizungumza na mwandishi habari hizi Juni 8, 2024 kwa nyakati tofauti, walisema tayari maeneo hayo yameshapimwa na taasisi husika, na sasa yako tayari kwa ajili ya ujenzi wa ofisi hizo.

Sheha wa shehia ya Wesha Haji Mohamed Ali, alisema eneo ambalo wameshakubaliana na wananchi kwamba lijengwe ofisi, ni milki ya serikali tokea asili.

Alisema, eneo hilo kwa muda mrefu, wananchi waliamua kulihifadhi kwa upandaji wa miti mbali mbali, hivyo wakati wowote likitakiwa kutumika litasafishwa.

‘’Sisi wananchi wa shehia Wesha, eneo la kujenga ofisi kwa ajili ya sheha tunalo, kilichobakia tunaisubiri serikali kuu, ili ianze harakati za ujenzi huo,’’alieleza.

Katika hatua nyingine, sheha huyo wa shehia ya Wesha Haji Mohamed Ali, alisema ameshapanga siku maalum, kwa ajili ya kuwaita wananchi, kwa kulifanyia usafi eneo hilo.

‘’Wananchi tumeshapanga siku moja, tufike ili kulifanyia usafi, kwani tayari wapimaji wameshamaliza kazi yao, na iliyobakia sasa ni kusubiri ujenzi,’’alifafanua.

Nae sheha wa shehia ya Wawi Sharifa Waziri Abdalla, alisema kwa sasa eneo la ujenzi wa ofisi, limechaguliwa kuwa ni kijiji cha Vikutani shehiani humo.

Alifahamisha kuwa, wamebahatika kupata eneo la kutosha kando ya barabara, ambapo awali wananchi walitaka kuanza harakati, ingawa baada ya kutoka tamko la serikali, ujenzi ulisita.

‘’Ni kweli wananchi kupitia kamati yangu, walishaanza harakati za kuomba muongozo wa ujenzi wa ofisi, lakini tukaelezwa kuwa kuna ramani maalum, kwa ofisi zote za masheha, zinavyotakiwa kujengwa,’’alifafanua.

Aidha sheha huyo, alieleza kuwa anafurahishwa na wazo la Rais wa Zanzibar na Mwenyekiti wa Baraza la Mapinduzi Dk. Hussein Ali Mwinyi, la kutaka kila sheha, kuwa na ofisi ya kisasa.

Alieleza kuwa, anatamani siku ifike na ujenzi huo uanze, ili iwepo ofisi ya msaidizi wa sheria, mratibu wa wanawake na watoto, kwani wamekuwa na msaada mkubwa, katika utekelezaji wa majukumu yake.

Msaidizi wa sheria shehia ya Wesha Khadija Said Khalfan, alisema wazo la ujenzi wa ofisi za masheha ni jema, kwani wamekuwa wakiwahudumia wananchi barazani au chini ya miti kwa ukosefu wa ofisi.

Mwananchi wa shehia ya Wawi Juma Khamis Omar na mwenzake Maisara Khamis Juma, waliiomba serikali kuaharakisha ujenzi huo, kwani wamekuwa wakipata shida, wanapotaka huduma.

Masaidizi wa sheria shehia ya Wawi Fatma Hilali Salim, alisema ni vyema ukarakishwa ili wawahudumie wananchi wakiwa kwenye sehemu za faragha zaidi.

Mkuu wa wilaya ya Chake chake Abdalla Rashid Ali, akizungumza hivi karibuni na kamati ya ufuatiliaji wa ujenzi huo, kutoka shehia ya Wawi, alisema ujenzi wa ofisi hizo utafanywa kwa awamu tofauti.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog