MWAMBE, WATAKA UTAFITI WA KINA ONGEZEKO VITENDO VYA UDHALILISHAJI

NA HAJI NASSOR, PEMBA@@@@

WANANCHI wa shehia ya Mwambe wilaya ya Mkoani Pemba, wameiomba serikali, kufanya utafiti wa kina kubaini sababu za kuongezeka matukio ya ukatili na udhalilishaji kwa wanawake na watoto, ili kundi hilo nalo liishi kwa amani.

Walisema licha ya mikakati, mipango na maazimio ya muda mfupi na mrefu ya kutokomeza vitendo hivyo, bado vimekuwa vikishamiri siku hadi siku, jambo linalowapa wasiwasi wa kutokupungua.

Wakizungumza na mwandishi wa habari hizi shehiani hapo, walisema hawaoni kuwa, iko siku wanawake na watoto watakuwa huru na vitendo vya ukatili na udhalilishaji, kutokana na kuongezeka siku hadi siku.

Walisema, kumekuwa na juhudi kubwa zinazofanywa na serikali kuu, kwa kushirkiana na washirika wake wa ndani na nje, jambo ambalo walitarajia kuona mabadiliko.

Maua Mwitani Ussi wa Jombwe, alisema kumekuwa na mikakati kuanzia ngazi ya familia, shehia, wilaya, mkoa, taifa na kimatifa ingawa kila siku vyombo vya habari, vinaripoti matukio hayo.

‘’Kumekuwa na juhudi ni kubwa mno za kuyashinda matukio ya ukatili na udhalilishaji, lakini kama haukujafanyika utafiti wa kina wa kubaina sababu, watoto na wanawake tutaendelea kukukosa amani,’’alieleza.

Nae Mwajuma Haji Makame wa Bwegeza alisema, utafiti ndio pekee utakaokuja na jibu sahihi, juu ya sababu za kuongezeka kwa matendo hayo ndani ya jamii.

Kwa upande wake Kombo Othman Mossi wa Mchakwe, alisema kila jambo unapotaka kulindoa, lazima kutanguliwe na kujua sababu za ndani, unaotokana na kufanyika kwa utafiti kwa kina.

‘’Serikali kwa sasa ishirikiane na wadau wake wa ndani na nje, kufanya utafiti mkubwa kwa kila eneo, ili kubaini nini chanzo cha kuongezeka kwa matendo hayo,’’alifafanua.

Sheha wa shehia ya Shamiani Mwambe Safia Khamis Ngwali , alisema ni kweli kumekuwa kukiripotiwa matukio hayo kila siku, kama vile hakuna juhudi zozote zinazofanywa na serikali.

‘’Hata sisi masheha, kila siku tumekuwa tukisisitizwa kufikisha elimu ya kupinga matukio hayo, kila tunapokutana na wananchi, ingawa cha kushangaaza, bado matukio yanaibuka siku hadi siku,’’alieleza.

Afisa Mawasiliano Chama cha waandishi wa habari wanawake Tanzania TAMWA-Zanzibar ofisi ya Pemba Gaspary Charles alisema, moja ya sababu ya kuripotiwa kwa wingi matukio hayo, katika taasisi husika, inatokana na jamii sasa kupata uwelewa.

‘’Inawezekana hapo zamani, tuliyaona matukio hayo ni kidogo, kwa sababu watendewa walidhani ni jambo la kawaida, ingawa baada ya kupata elimu sasa wanaripoti kila wanapofanyiwa,’’alifafanua.

Mwenyekiti wa Jumuiaya ya Tumaini jipya Pemba ‘TUJIPE’ Tatu Abdalla Msellem, alisema suala la kufanyika kwa utafiti wa nchi nzima, ni jambo la msingi, ili kujua panapohitajika kutibiwa.

‘’Lakini sasa wanawake na watoto wameshapata elimu ya kutosha, na ndio maana wamekuwa wakiripoti hata wanapokamatwa makalio, baada ya kuelewa kuwa ni aina ya udhalilishaji,’’alifafanua.

Mkuu wa mkoa wa kaskazini Pemba Salama Mbarouk Khatib, alisema utafiti wa kubaini chanzo ni jambo moja, lakini la pili ili kutokomeza matendo hayo, ni kushirikiana na vyombo vya sheria.

‘’Zipo kesi hufutwa mahakamani, kwa kule mashahidi kutofika mahakamani kutoa ushahidi, sasa je na hili linahitaji kufanyiwa utafiti, maana lipo wazi,’’alihoji.

Afisa Maendeleo ya Jamii, Jinsia na Watoto wilaya ya Chake chake Salma Khamis Haji, alisema njia ya kutokemeza matendo hayo, ni kwa watendewa, kutoa taarifa, pindi wanakapoona viashiria vya ukatili na udalilishaji dhidi yao.

Sheikh Abdalla Nassor Mauli, alisema kama jamii itaamua kukifuata kitabu cha Allah kwa vitendo, matendo hayo yatapungua hata kabla ya kufanyika kwa utafiti wowote.

Matukio ya ubakaji, ulawiti ambayo huwakumba wanawake na watoto hapa Zanzibar, yameripotiwa kupungua kiduchu kwa mwezi Machi, na kufikia 125, upungufu wa matukio 50 kwa mwezi Febuari mwaka huu.

Taarifa kutoka kwa ofisi ya Mtakwimu mkuu wa serikali ya Mapinduzi ya Zanzibar, inaonesha kuwa mwezi Febuari pekee kuliripotiwa matukio 175, sawa na matukio sita kwa siku.

Ingawa kwa mwezi Machi, kumeripotiwa wastani wa matukio manne kwa siku, ambapo ikaelezwa kuwa, kwa miezi hiyo mwili, kuliripotiwa matukio 300, ambayo ni wastani wa matukio 28, kwa kila wilaya, kati ya zote 11 za Zanzibar.

Kati ya matukio hayo, mwezi Machi pekee katika wilaya hizo 11, imeonesha kila wilaya, kuliripotiwa wastani wa matukio 11, ingawa kwa mwezi Febuari kumeonesha kuwepo matukio 16, kwa kila wilaya moja kwa Unguja na Pemba.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog