WASIOJULIKANA WAIBA MAZAO YA BAHARINI MTAMBWE PEMBA

NA HAJI NASSOR, PEMBA@@@@

WATU wasiojulikana, wamevamia na kuiba Kaa na Vitango bahari, waliyokuwa yakifugwa na wanaushirika wa ‘yashasemwa’ uliopo shehia ya Mtambwe kusini, wilaya ya Wete Pemba.

Watu hao kwa nyakati tofauti, wanadaiwa kuiba Kaa 80 kati ya 120 waliyoyaingiza na Vitango bahari kuibiwa yote 1,000 kwa nyakati za usiku.

Wakizungumza na mwandishi wa habari hizi, viongozi wa ushirik huo, walisema wizi huo umefanyika miezi mitano, baada ya kuweka vifaranga hivyo, kwa ajili ya ufugaji.

Msaidizi wa Mwenyekiti wa ushirika huo Jabir Saleh Jabir, wamepatwa na mshangao mkubwa, baada ya kupokea taarifa za kuibiwa, kwenye shamba lao.

Alisema, walitumia gharama kubwa kuanzisha maeneo hayo husika, kwa ajili ya ufugaji wa vitango bahari na Kaa, ingawa watu wasiowafahamu, waliwarejesha nyuma kwa kuwaibia.

‘’Na sisi ni ushirika ambao tuna nia ya kuvuna matunda ya uchumi wa buluu, na tulishajikusanya na kuunganisha nguvu zetu, lakini wengine waliamua kuturejesha nyuma,’’alilalamika.

Mshika fedha wa ushirika huo, Mafunda Abdalla Omar alisema, pamoja na kuibiwa kwa Vitango vyao bahari 1,000 kwa sasa wameamua kuanzisha tena.

‘’Kwa sasa tumeanzisha tena ufugaji wa Vitango bahari 50 baada ya vile vya awali kuibiwa, lakini bado tunahofu na changamoto kama hiyo tena, ingawa hatuvunjiki moyo,’’alieleza.

Alieleza kuwa, kwenye mradi wa ufuji Kaa, walianza na mtaji wa shilingi 600,000 ikiwa ni mkopo maaluma kwa ajili ya wajasiriamali, kupitia sera ya uchumi wa buluu.

‘’Kwa wakati huo, tulinunua vifaranga vya Kaa 100 kwa shilingi 400,000 na kununua Kaa wakubwa 20, kwa shilingi 200,000 ili kuwawek kwenye ‘zoo’ malum, ingawa baada muda waliibiwa,’’alifafanua.

Mshifa fedha huyo alisema, kama sio kuibiwa kwa Kaa hao, wangepata wastani wa shilingi milioni 1, kwani kila Kaa wawili hufikia kilo moja, ambapo ni shilingi 17,000.

Hata hivyo Mshika fedha huyo alieleza kuwa, bado hawajavunjika moyo, na ndio maana wameanzisha utaratibu wa kwenda kutafuta wenyewe vifaranga vya Kaa na vitangi, ili kuongeza kipato chao.

Mwanachama wa ushirika huo Neema Abdalla Omar, alisema amevutiwa mno na kazi ya ufugaji wa Kaa na vitango, kwani anaufahamu kabla ya kuingia kwenye ushirika huo.

Aidha mwanachama huyo alisema, bado hajavunjika moyo na wizi uliofanyika kwenye shamba lao la ufugaji Kaa na Vitango habari, huku akiamini iko siku watafanikiwa.

Sheha wa shehia ya Mtambwe kusini Othman Ali Khamis, alikiri kuwepo kwa tabia ya wizi, kwenye mashamba ya wafugaji wa samaki, kaa na vitango bahari.

Alieleza kuwa, ni vyema kwa wanaushirika wote waliomo shehiani humo, kushirikiana kwa karibu, ikiwa ni pamoja na kuimarisha ulinzi katika mashamba yao.

‘’Serikali imeshajitahidi kutekeleza ahadi zake za kutoa mikopo na vifaa, kwa ajili ya kuimarisha sera ya uchumi wa buluu, na changamoto nyingne wananchi wazimalize wenyewe,’’alifafanua.

Ushirika huo wa ‘Yashasemwa’ unaojishughulisha na ufugaji wa Kaa na Vitango bahari uliopo shehia ya Mtambwe kusini, umeanzishwa miezi minane iliyopita, ukiwa na wanachama 15, wanawake wakiwa saba.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog