MCT: VYOMBO VYA HABARI KUFUATA MAADILI HAKUNA MBADALA

NA HAJI NASSOR, ALIPOKUWA UNGUJA

MWENYEKITI Kamati ya Maadili ya Baraza la Habari Tanzania MCT- Jaji mstaafu Robart Makaramba, amesema nguvu iliyonayo chombo cha habari ni kubwa, hivyo suala la kuzingatia na kufuata maadili kwa vitendo halina njia mbadala.

Alisema, maadili ndio msingi mkuu kwa vyombo vya habari, kutekeleza wajibu wao vyema, na kinyume chake kikitumika vibaya nguvu zake, kinaweza kuleta madhara.

Mwenyekiti huyo aliyaeleza hayo August 9, mwaka 2022 mjini Unguja, kwenye mkutano wa siku moja, wa waandishi wa habari, wahariri na wadau wa habari, katika mkutano maalum wa kujadili maadili ya wanahabari.

Alisema, kila mwandishi akiamua kuyafuata kwa vitendo maadili ya kazi yake, jamii hawatakwazwa na vyombo vya habari, kama ilivyo sasa kwa baadhi ya vyombo kuyapa kisogo.

‘’Niwakumbushe sana suala la kufuata maadili yenu, maana nyinyi waandishi na wahariri mnanguvu kubwa mno, hata zadi ya bunduki na upanga,’’alieleza.

Akizungumza kwenye mkutano huo, Katibu Mtendaji wa MCT-Kajubi Mukajanga, alisema baraza limekuwa likikutana na vyombo vya habari mara kwa mara, ili kuwakumbusha wajibu wao.

Alisema, mkutano huo ambao pia ulihusisha wadau, ni muendelezo wa MCT, kuhakikisha vyombo vya habari haviwi sehemu ya uchafuzi wa amani na utamaduni wa watanzania.

‘’Ijapokuwa zipo sheria zinazokwaza utendaji wa waandishi wa habari, lakini ni vyema tuhakikisha tunafanya utafiti na kuchambua habari kwa kina,’’alieleza.

Mapema Makamu Mwenyekiti wa Kamati ya maadili ya MCT, Tanzania Eda Sanga, aliwakumbusha watangaazaji kupunguza utani, lugha zisizo rasmi wanapokuwa studio.

‘’Wapo watangaazaji wanaifanya studio kama vile ni vyumba vyao vya mapunziko, wanatumia lugha zisizorasmi na kupotosha kazi ya utangaazaji,’’alieleza.

Kwa upande wake Afisa Mdhamini wa Baraza la Habari Tanzania MCT ofisi ya Zanzibar, Shifaa Said Hassan, amewakumbusha waandishi na wahariri, kuzidisha ushirikiano, ili kuwapa habari nzuri wananchi.

Wadau wa habari akiwemo Said Rashid kutoka Kituo cha Huduma za Sheria Zanzibar ‘ZLSC’ ofisi ya Pemba, aliwataka waandishi kujiamini na kuacha woga, ili kuhakikisha wanaibua habari zilizojificha.

Mkurugenzi wa Chama cha waandishi wa habari wanawake Tanzania TAMWA-Zanzibar Dk. Mzuri Issa, alisema wakati umefika kwa Zanzibar, kuwa na sheria mpya ya habari.

‘’Sheria inayotumika sasa ya Magazeti nambari 5 ya mwaka 1988 ni ya zamani, na haiko rafiki katika kutimiza majukumu ya waandhsi wa habari hapa Zanzibar,’’alieleza.

Mwandishi wa habari Issa Yussuf na Mhariri wa habari Juma Khamis walisema, lazima sheria rafiki ziwepo Zanzibar, ili tasnia ya habari iimarike kwa waandishi kufichua maovu.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog