CHAPO YAWAFIKIA WANANCHI MFIKIWA

NA HAJI NASSOR, PEMBA /CHAPO

IDARA ya utambuzi wa ardhi Pemba, imesema ardhi yenye eneo dogo iliyopangwa, kupimwa na kisha mmiliki kukabidhiwa hati ya matumizi, huwa na thamani mara mbili ya eneo kubwa ambalo halikupimwa.

Hayo yameelezwa na Afisa wa Utambuzi wa ardhi Pemba Faki Ali, wakati akijibu maswali ya wananchi wa shehia ya Mfikiwa wilaya ya Chakechake, kwenye mkutano wa wazi ulioandaliwa na na Jumuiya ya wasaidizi wa sheria wilaya ya Chakechake, CHAPO juu ya elimu ya utatuzi wa migogoro ya ardhi kwa njia ya amani.

Alisema, kuna umuhimu mkubwa kwa wananchi, ardhi zao kuzirasmisha kwa kuzitambua na kupata hati maalum za matumizi, ili ziongezeke thamani wakati zinapohitajika kwa matumizi mengine.

Alieleza kuwa, serikali ina nia ya kuipima ardhi yote ya Zanzibar, na kuwapa wananchi hati ya matumizi, bila ya malipo yoyote.

Afisa huyo alifafanua kuwa, tayari shehia tano za Unguja na Pemba zimeshaanza mpango huo kwa majaribio.

"Lazima wananchi waelewa kuwa, ardhi iliyopimwa hiafanani kithamani na nyengine, ambayo haijapimwa, na mgogoro sio rahisi kujitokeza, "alieleza.

Kwa upande wake Mratibu wa Kituo cha Huduma za Sheria Zanzibar, ZLSC tawi la Pemba, Safia Saleh Sultan aliwataka wananchi hao, kutoitegemea sana mahakama, kama msuluhishi mkuu wa migogoro ya ardhi.

Alifahamisha kuwa, njia mzuri ya utatuzi wa migogoro hiyo, ni kuvitumia vikao vya familia, viongozi wa dini, wasaidizi wa sheria na watu maarufu, kukukutana ili kujadili changamoto husika.

Akizungumza kwenye mkutano huo Mkurugenzi wa Jumuiya ya wasaidizi wa sheria wilaya ya Chakechake CHAPO Nassor Bilali Ali, aliwakumbusha wananchi hao kiyatumia mabaraza ya usuluhishi kuondokana na migogoro ya ardhi.

Alielelza kuwa, migogoro inapotatuliwa na jamii yenyewe huondosha visasi kwa waliokosana na amani huwepo ya kudumu miongoni mwao.

Akifungua mkutano huo sheha wa shehia ya Mfikiwa Bimkubwa Rajab Tangwi, alisema migogoro yote ya mada sio vyema walioko kukimbilia mahakamani.

Mwakilishi wa tasisi ya the foundetion for civil society Georgina Lund, amesema kazi inayofanywa na CHAPO, ndio hasa malengo ya tasisi yao ilivyopanga kwenye mradi huo.

"Wananchi wa shehia hii ya Mfikiwa, itumieni kamati yenu ya usuluhishi wa migogoro, maana upatanishi mtakaoupata hapa, utakuwa wa kudumu,"alisema.

Mwananchi Khamis Ali Khamis alisema wakati mwengine, serikali inaweza kuwa chanzo cha migogoro ya ardhi, ikiwa haitowashirikisha wananchi, wanapotaka kuchukua ardhi kwa miradi ya umma.

Nae Khamis Uled Mangi na mwenzake Asha Hassan Ali walisema, kukosekana kwa elimu kama hiyo, ni moja ya chanzo cha uwepo wa migogoro ya ardhi ndani ya jamii.

Hata hivyo mwananchi Zahran Mohamed Yussuf alisema bado kuna kasoro kwenye hati ya umiliki wa ardhi kwa kuwepo neno matumizi ya muda.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog