WAZIRI PEMBE AWEKA JIWE LA MSINGI UJENZI SOKO KENGEJA, ATOA NENO

NA HAJI NASSOR, PEMBA@@@@

WAZIRI wa Habari, Sanaa, Utamaduni na Michezo Zanzibar, Riziki Pembe Juma, amewataka wafanyabiashara wa Kengeja wilaya ya Mkoani, kuacha kuuza biashara zao pembezoni mwa barabara, na badala yake wayatumie masoko yanayojengwa.

Waziri Pembe alitoa raia hiyo jana, wakati alipomaliza shughuli ya uwekaji wa jiwe la msingi la soko la kisasa, la sokoni Kengeja wilayani humo, ikiwa ni shamra shamra za miaka 62 ya mapinduzi.

Alisema kuwa, mapinduzi yalifanyika kwa dhamira kadhaa, ikiwemo kuwakomboa wajasiriamali na wafanyabiashara, ikiwemo kuzipandisha hadhi bidhaa zao, na kuzihamishia sokoni kutoka pembezoni mwa barabara.

Alieleza kuwa, utamaduni wa kufanyabishara katika mazingira hatarisha ikiwemo pembezoni mwa barabara, kwenye misingi ya maji taka, huu sio wakati wakati wake tena, na badala yake waingie masokoni.

Waziri huyo alieleza kuwa, hasa ndani ya utawala wa serikali ya awamu ya nane, imekuwa ikifanya kila juhudi kuhakikisha wajasirimali na wafanyabiashara, wanazipandisha hadi bidhaa zao.

‘’Leo tukiwa ndani ya shamra shamra za miaka 62 ya mapinduzi Zanzibar, Kengeja lipo soko lenye hadhi, ni wajibu wetu sasa kuhama pembezoni mwa barabara na kuingia sokoni humo, litakapomalizika,’’alishauri.

Akizungumzia faida na dhana ya mapinduzi ya Januari 12, mwaka 1964, alisema ni pamoja na kujitawala, ili kupanga mikakati kwa aina ya mahitaji.

Hivyo amewakumbusha wananchi, kuendelea kuyaenzi na kuyathamini mapinduzi hayo, ili maendeleo yaongezeke katika sekta mbali mbali.

Katika hatua nyingine, Waziri huyo wa Habari, Sanaa, Utamaduni na Michezo, amewakumbusha wananchi, umuhimu wa kutunza na kuendeleza amani, iliyopo.

Naibu Katibu Mkuu wizara ya Nchi, Ofisi ya Rais, tawala za Mikoa, Serikali za Mitaa na Idara Maalum za SMZ Mikidadi Mbarouk Mzee, alisema ujenzi wa soko hilo, umelenga zaidi wafanyabiashara wadogo.

Alisema mradi huo unajumuisha majengo matatu, ikiwemo soko lenye vizimba 40, ambavyo kila kimoja kinaweza kutumiwa na wajasiriamali wawili.

Alifafanua kuwa, eneo la pili ni ujenzi wa milango mitano ya maduka pamoja na ujenzi wa vyoo sita na uzio kwa ajili ya kudhibiti mipaka ya soko hilo.

Aidha Naibu Katibu Mkuu huyo, alieleza kuwa pindi soko hilo litakapokamilika, wastani wa ajira 50 zitapatikana, kwa maeneo kadhaa ikiwemo ulinzi.

‘’Sisi TAMISEMI ndio hasa wenye jukumu la kuhakikisha zile ahadi za Rais wa Zanzibar Dk. Hussein Ali Mwinyi za ajira kadhaa, tunazizalisha kupitia miradi kama hii,’’alifafanua.

Mapema Mkuu wa mkoa wa kusini Pemba Rashid Hadid Rashid, alisema ndani ya mkoa huo yapo masoko manane, ya kisasa likiwemo la Mtambile, Kipitacho, Machomane, Michakaini, Mbuyuni na Vitongoji.

Zaidi ya shilingi milioni 413.655, zinatarajiwa kutumika hadi kukamilika wa ujenzi wa soko hilo, linalojengwa na KVZ Construction, ambapo hadi sasa zaidi ya shilingi milioni 242.538 sawa na asilimia 58.63 zimeshatumika.

Ambapo fedha zilizobakia kulipwa mkandarasani ni shilingi milioni 122.923, huku gharama za ujenzi wa soko hilo zinatokana na fedha za makusanyo kupitia baraza la mji Mkoani.

Mradi wa ujenzi wa soko hilo ulianza, Julai 8 mwaka 2025 na unatarajiwa kumalizika mwezi Machi 8 mwakani, chini ya msimamizi wa mshauri elekezi, Wakala wa majengo Zanzibar ‘ZBA’.

MWISHO

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

MADAKTARI KUTOKA CHINA WAOKOA MAISHA YA MTOTO PEMBA

HABIBA ZARALI, PEMBA TIMU ya 32 ya madaktari wa kichina katika hospitali ya Abdalla Mzee Mkoani wamefanikiwa kufanya upasuaji mkubwa wa mtoto mwenye umri wa miaka 15 mkaazi wa Chole Kengeja, baada ya kuchomwa na jiti sehemu ya njia zake za mfumo wa uzazi. Mtoto huyo ambae alianguka hivi karibuni katika mti na baadae kuchomwa na jiti hilo na kumsababishia kutokwa na damu nyingi katika sehemu ya nyonga, alifanyiwa upasuaji uliodumu kwa muda wa saa tatu na kuokolewa maisha yake. Akizungumza mara baada ya operesheni huo kiongozi wa timu hiyo Dr Jiang Jinhua, alisema mara baada ya mtoto huyo kufikishwa hospitalini hapo na kufanyiwa vipimo na kuonekana ilibidi apatiwe rufaa ya kwenda katika hospitali nzuri yenye kutibu tatizo lake huko nchini Kuwado ambapo haikuwezekana kutokana na hali ya umaskini wa f amilia ya mtoto huyo . Alisema timu ya madaktari hao itaendelea kutowa huduma za matibabu kwa wananchi kisiwani humo, ili kuwaondolea gharama ya kuta...

PEMBA TODAY

Search This Blog