IPA: 'WEKENI UZALENDO MBELE KUFANIKISHA MAJUKUMU YENU YA KAZI'

NA HAJI NASSOR, PEMBA@@@@

WATUMISHI wapya wa umma kisiwani Pemba, wametakiwa kuzingatia dhana ya uzalendo na kuifanyiakazi, kwani ndio msingi mkuu wa kufanikisha majukumu yao ya kila siku.

Hayo yameelezwa na Afisa kutoka Chuo cha Utawala wa Umma ‘IPA’ Zanzibar tawi la Pemba Nuhu Abubakar, wakati akiwasilisha mada ya mageuzi katika utumishi wa umma, kwa watendaji wapya kutoka taasisi mbali mbali wakiwemo wa ZAWA, uliofanyika ukumbi wa Manispaa ya Chake chake.

Alisema, suala la uzalendo ni jambo kubwa katika kufikia lengo la taasisi husika, na sio kwa mtumishi kufikiria maslahi yake binafsi na kuwasahau wingine.

Alieleza kuwa, watumishi waliowengi wamekuwa hawako vizuri kwenye eneo hilo, jambo ambalo huwapa changamoto wananchi wanaokwenda kutafuta huduma kwenye taasisi za umma.

Alifahamisha kuwa, moja ya msingi mkuu wa uzalendo la kuipenda kwa dhati nchi, wananchi wake, utamaduni na kulinda rasilimali za umma kwa gharama yoyote.

‘’Uzalendo pia unajumuisha matumizi mazuri ya muda wa kazi, rasilimali, miundombini na kutoa huduma kwa usawa kwa wananchi wote bila ya ubagauzi,’’alieleza.

Katika hatua nyingine Afisa huyo alisema, hoja ya kudai haki na stahiki kwa mtumishi kwa kutumia lugha sahihi na wakati husika, hakuondoi uzalendo kwake.

Mapema akiwasilisha mada ya uzalendo, Afisa kutoka ‘IPA’ Issa Ali, alisema dhana hiyo kwa sasa imekuwa ikipigwa teke na baadhi ya watumishi wa umma.

Aidha alifafanua kuwa, kila mmoja na kwa nafasi yake anaowajibu wa kuhakikisha taifa lake, linasongambele tena na kuondokana na viashiria vya kuhujuhumu uchumi.

Afisa kutoka Mamlaka ya Kuzuia rushwa na uhujumu wa Uchumi mkoa wa kaskani Pemba Kassim Yussuf Ali, alisema kwa sasa yapo mambo yameingizwa ndani ya sheria mpya ya ZAECA.

Katika hatua nyingine, aliwataka watumishi hao wapya, kuzisoma sheria na kanuni za utumishi wa umma, ili kujua haki na wajibu wao.

‘’Mnapojua haki zenu wakati wenu wa utumishi wa umma, moja ni kujikinga na uhujumu wa uchumi na rushwa pamoja na makosa mingine ya jinai,’’alifafanua.

Wakichingia mada kadhaa, watumishi hao wapya, walipendekeza kuwa mafunzo kama hayo yawe endelevu, kila baada ya muda.

Jamal Suleiman Jamal, alisema watumishi wa umma wanayomawazo mazuri, ingawa wasi wasi wao ni kutokusikilizwa na wakuu wao wa Idara zao.

Aidha alipendekeza kuwa, mafunzo kama haya wanapaswa kupewa waajiri, ili kutengeneza mazingira rafiki ya kazi kwa watumishi.

Nae Shafii Khamis Soud, alisema elimu zaidi inahitajika kwa kila wakati, ili kujua makosa ya madai na jinai, ambayo wanaweza kuyaepuka wanapokuwa kazini.

Katika mafunzo hayo ya siku mbili mada kadhaa zimejadiliwa, ikiwa ni pamoja na uzalendo, usalama na afya kazini, kustaafu salama, maadili ya watumishi wa umma pamoja na uzalendo.

Mafunzo hayo ya siku mbili, yanatarajiwa kufungwa mchana wa leo Januari 21, 2025 na Katibu Tawala mkoa wa kusini Pemba,

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

PEMBA TODAY

Search This Blog