AFANDE KHALFAN ATOA RAI KASKAZINI PEMBA ULINZI WA WATOTO WENYE ULEMAVU

KHAULAT SULEIMAN, PEMBA@@@@

MKAGUZI wa Polisi Inspekta Khalfan Ali Ussi, amewataka wazee wa watoto wenye ulemavu wa ualbino kisiwani Pemba, kutojiweka pembeni katika kusimamia malezi ya watoto wao.

Alisema kuwa jeshi la polisi, limeanda mpango maalumu wa kuwasajili watu wenye ulemavu ualbino Tanzania nzima, ili kuweza kufuatilia na kubaini changamoto zinazowakabili.

Aliyasema hayo katika skuli ya Pandani mkoa wa kaskazini Pemba, ikiwa ni muendelezo wa ziara yake ya kutembelea na kusikiliza changamoto mbali mbali, zinazo wakabili makundi maalum katika shehia ya Pandani.

Aidha alisema kuwa jeshi la polisi limeweka mikakati madhubuti wa kuhakikisha usalama kwani jeshi hilo linahakikisha linalinda raia na mali zao.

"Wananchi ondoweni hofu na kuishi kwa amani, kwani nyinyi ni raia wema wenye haki sawa na wingine,’’alisema Mkaguzi huyo.

Hata hivyo, amewakumbusha wazazi na walezio hao, kuhakikisha watoto hao wanapatia haki zao zote za msingi ikiwemo elimu, afya na kuchangamana na watoto wenzao wakati wote.

‘’Watoto hawa wana haki sawa kama ilivyo kwa watoto wingine, hivyo wazazi mnapoombwa ruhusa ya kucheza msiwanyime haki yao hiyo,’’alisisitiza.

Naye mzazi Sultan Ahmad Issa alisema kuwa, watu wenye ualbino wanahitaji mazingira mazuri, ili kujikinga na changamoto ya kupata magonjwa ya ngozi ikiwemo saratani

"Serikali kuweza kuwasaidia kwa kuweka mikakati ambayo, itawezesha kujikwamua kimaisha kwa kuweka mfumo maalum, kwajili ya kuwasaidia watu wenye ulemavu wa ualbino,’’alisisitiza.

Kwa upande wake Fatma Ali Suleiman ambaye ni mlemavu wa ualbino, alisema wanawakabiliwa na changamoto kadhaa ikiwemo ukosefu wa vifaa vya kusomewa, kofia maalumu kwajili ya kujikinga na jua.

Alitaja vifaa vyingine kuwa ni, viatu rafiki kwajili ya kukanyagia pamoja na mafuta ambayo yanawasaidia katika kuboresha ngozi zao.

Naye mwakilishi wa shehia hiyo Haji Abdalla Ali amesema kuwa licha ya ukaribu na ufuatiliaji wa jeshi la polisi, lakini bado wazazi wanajukumu la kusimamia maadili na malezi ya watoto wao.

"Kufanya hivyo kutawasaidia jeshi la polisi kuweza kufanya kazi zao kuwa urahisi, hivyo kuendelea kuwa pamoja na wanajamii wa makundi mbali mbali katika shehia hiyo.

Nao wazazi wa watoto hao walilishukuru jeshi la polisi mkoa wa kaskazini Pemba, kwa kuwapatia elimu ya ushirikishwaji kwa watu wenye ulemavu wa ualbino.

"Sasa tutaishi kwa amani huku tukiendelea kuchukuwa tahadhari, juu ya imani potofu iliyojengeka juu ya watu wenye ulemavu wa ualbino,’’walisema wazazai hao.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

PEMBA TODAY

Search This Blog