WAZIRI HAROUN: MGENI RASMI JUKWAA LA NNE LA MSAADA WA KISHERIA ZANZIBAR

NA HAJI NASSOR, PEMBA@@@@

WAZIRI wa Nchi, Afisi ya Rais- Katiba, Sheria na Utawala Bora Zanzibar Mwalimu: Haroun Ali Suleiman, anatarajiwa kuwa mgeni rasmi, katika jukwaa la nne la msaada wa kisheria, linalotarajiwa kufanyika Zanzibar mwaka huu.

Akizungumza na mwandishi wa habari hizi kwa njia ya simu, Mkurugenzi wa Idara ya Katiba na Msaada wa Kisheria Zanzibar hajjat: Hanifa Ramadhan Said, alisema maandalizi yote ya jukwaa hilo, yameshakamilika.

Alisema, miongoni mwa mwaandalizi hayo ni kupatikana kwa mgeni rasmi, ukumbi, mialiko kwa washiriki 140 kutoka Tanzania bara, Kenya, Pemba na wenyeji kisiwani Unguja.

Mkurugenzi huyo alieleza kuwa, kwa upande wa washiriki kutoka Kenya, Tanzania bara na hata Zanzibar ni watoa mada, ingawa kwa upande wa Pemba na Unguja washiriki, ni makundi mbali mbali.

‘’Kwa mfano katika jukwaa hili la nne, linalotarajiwa kufanyika kuanzia Novemba 20 hadi 21 mwaka huu, miongoni mwa waalikwa ni wasaidizi wa sheria na wanaasasi za kiraia,’’alifafanua.

Waalikwa wingine ni masheha, watoa msaada wa kisheria, mawakili, jeshi la Polisi, wanaharakati wa haki za binaadamu, waendesha mashtaka, ofisi ya Mwanasheria mkuu na watendaji wa mahkama.

Aidha Mkurugenzi huyo wa Idara ya Katiba na Msaada wa Kisheria Zanzibar, aliwataka waalikwa wote, wawe tayari wameshakaa kwenye maeneo waliopangiwa sio zaidi ya saa 2:30 asubuhibi.

‘’Kwa mara hii jukwaa hili la nne la mwaka la msaada wa kisheria, tunatarajia kufanyika ukumbi wa Michezani Mall, na mgeni rasmi ameshatbitisha ushiriki wake,’’alifafanua.

Hata hivyo, aliwataka wakurugenzi kuwasimamia watu wao waliobahatika kushiriki, ili kuhakikisha wanajali muda wa kufika, ili kufanikisha jukwaa hilo.

Akizungumza na mwandishi wa habari hizi, Mkurugenzi wa Jumuiya ya Wasaidizi wa sheria wilaya ya Chake chake Pemba ‘CHAPO’ Mohamed Hassan Abdalla, alisema, tayari watendaji watatu wakaokwenda wameshajulishwa.

Alieleza kuwa, majukwaa kama hayo yamekuwa na msaada mkubwa kupitia jumuiya zao, kwani huwapa mbinu, elimu wanapokutana na wananchi.

‘’Kwa mfano, katika jukwaa la tatu lililopita, sisi ‘CHAPO’ tiliporudi tulikwenda kwa wananchi, tukiwa na mbinu tofauti za utoaji wa elimu, ushauri na masaada wa kisheria, tuliovuna kwenye jukwaa hilo,’’alieleza.

Nae Mkurugenzi wa Jumuiya ya wasadizi wa sheria wilaya ya Mkoani ‘MIDAPAO’ Nassor Hakim Haji, alisema majukwaa hayo, huwapa fursa ya kukutana na wadau kadhaa, wa haki jinai.

‘’Tunapokutana na magwiji wa kisheria kama mawakili huwa tunaongeza uwezo, ujuzi na maarifa mapya, kwa ajili ya kazi zetu nyingine,’’alieleza.

Akizugumza hivi karibuni, Mkuu wa Diveshini ya Idara ya Katiba na Msaada wa Kisheria Pemba Bakar Omar Ali, alisema, majukwaa hayo yana maana pana kwa wasaidizi wa sheria.

‘’Ukiwa makini kusikiliza mada zinazowasilisha pamoja na zile ripoti, unaweza kuondoka na hata wazo la kulifanyia kazi, nadani ya jumuiya,’’alieleza.

Akizungumza kwenye jukwaa la mwaka jana, aliyekuwa mwakilishi wa taasisi ya ‘LSF Wakili Alphonce Gura, alisema Zanzibar, imekuwa sehemu ya kujifunzia, katika utoaji wa msaada wa kisheria, kwa nchi za Afrika Mashariki.

Alieleza kuwa, hayo yamejitokeza tokea lilipomalizika jukwaa la pili la msaada wa kisheria la mwaka 2022, lililofanyika Zanzibar, na kuibuliwa maazimio 13, yaliyotekelezwa.

Wakili huyo, alifafanua kuwa, kwa nchi za Ruwanda, Burundi, Uganda, Kenya na hata Tanzania bara, Zanzibar imekuwa kinara na sehemu ya kujifunzia, utoaji wa msaada wa kisheria.

‘’LSF, tunaridhishwa na tunapongeza mno, kazi zinayofanywa Idara ya Katiba na Msaada wa Kisheria Zanzibar, kwa kuongeza wigo na kusababisha kuchukua nafasi ya kwanza, kwa utoaji wa msaada wa kisheria,’’alifafanua.

Akizungumzia kanzidata, ambayo imeanzishwa na LSF mwaka 2013, inayoangalia na kuzichakata kazi, zinazofanywa na wasaidizi wa sheria, mmoja mmoja kwa Tanzania.

Kupitia kanzidata hiyo, imedhihirisha uhitaji mkubwa wa msaada wa kisheria na kufikia watu 200,000 kila mwaka na kufikia watu milioni 7 kwa mwaka, wanaohitaji elimu ya sheria Tanzania.

Ujumbe wa mwaka huu, wa jukwaa la nne la mwaka la msaada wa kisheria ni ‘ushawishi wa upatikanaji wa rasilamali za kuendeleza huduma za msaada wa kisheria Zanzibar’ .

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog