WAWI STAR HAISHIKIKI LIGI YA PEMBA

NA HAJI NASSOR, PEMBA@@@@

TIMU ya Wawi star, inayoshiriki ligi daraja la kwanza kanda ya Pemba, imeendelea kutimiza dhamira yake ya kupanda ligi kuu ya Zanzibar msimu ujao, baada ya tena jana, kuvuna alama tatu muhimu, mbele ya wenyeji timu ya El-Legado FC, baada ya kuikalisha chini kwa bao 1-0.

Katika mchezo huo, uliokuwa wa kusisimua na kuhudhuriwa na watamazaji wengi kutoka mitaa ya Finya, ulichezwa majira ya saa 10:00 jioni, ndani ya dimba la FF Finya.

Timu zote ziliuanza mchezo kwa kasi, huku kila mmoja akijaribu kumsoma mwenzake, na kukijitokeza mashambulizi ya kushtukiziana, kwa kila mara na kwa zamu.

Wageni Wawi star, walianza kuwaamsha wenyeji wao, mnamo dakika ya 15, baada ya kupeleka shangwe zito langoni mwao, kisha shuti la Suleiman Seif Madeo, likatoka nje.

E-legado kuona hivyo, nao mipango yao ilikaa sawa mnamo dakika 25, baada ya kulianzisha kwa kasi, kutoka upande wa mashariki mwa uwanja, kisha pasi nzuri ya kumalizia ikamfikia Ali Issa Mzinga, ingawa shuti lake lilipaa juu.

Kasi ya mchezo ilionekana kuongezeka, hasa mnamo dakika ya 38, baada Wawi star kugongeana gongeana vyema, jambo lililoanzia kwa Az-har Mbarouk Seif kisha kumpa pasi Hassan Is-mail Yombo, ingawa shuti lake, lililiwa na kipa Said Massoud Ali.

Wawi star, waliamka tena dakika 44, na huku tayari washabiki wakiwa wameshanyanyuka juu, kushangilia bao la kwanza, baada ya Rafii Haida Ramadhan, kuwapita walinzi wote, ingawa fataki aliloliachia lilikosa dira.

Na hapo dakika 45 za awali wanaume hao 22, wakazimaliza kukiwa hakuna timu iliyocheka, na kuzipa nafasi dakika 45 nyingine kuanza kwa kasi kwa kila upande.

Hamu ya kusakala alama tatu za ugenini kwa Wawi star, ilipata mbolea, mnano dakika ya 81, baada ya shuti la Ali Maliki alilolipiga umbali wa mita 20 kutuwa, ndani ya vyavu.

Kuingia kwa bao hilo E-legado walikuja juu mithili ya mkizi, na kuhamia langoni mwa Wawi star, na dakika 87, walifanya shambulizi lililokuwa na mwelekeo wa kuzaa bao, ingawa shuti la Nassor Hassan Shaame, lilimezwa na mlinada mlango Mohamed Salim Ali.

Mwamuzi wa mchezo huo, alizimaliza dakika 90 kwa Wawi star, kuondoka na ushindi wa bao 1-0, na kuwaacha wenyeji wa uwanja huo, kubakia kulaumiana.

Na katika mchezo mwingine wa ligi hiyo, klabu ya Super Falcon na Yosso Boys, wakagawana alama moja moja, baada ya kuchapana bao 1-1, mchezo uliochezwa uwanja wa Mtega Wawi.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog