BONANZA LA MAZOEZI PEMBA: MAKAMU WA KWANZA ATOA RAI KUNDOA DHANA POTOFU MICHEZONI

NA HAJI NASSOR, PEMBA@@@@

MAKAMU wa Kwanza wa Rais Zanzibar Othman Massoud Othman, amevishauri vilabu ya mazoezi nchini, kujitengenezea kanuni, zitakazowavutia watu wingi zaidi kujiunga kwenye mazoezi, ili kuondoa dhama potofu ya mazoezi ni uhuni.

Alisema, kama kundi kubwa la watu wanadhana kuwa mazoezi ni uhuni na kuvunja maadili, ni wakati sasa kwa vilabu vya mazoezi na michezo, kuwa na kanuni zitakazofuta dhana hiyo.

Makamu huyo wa Kwanza, aliyasema hayo leo Julai 28, 2024 uwanja wa michezo Gombani Chake chake, kwenye bonanza la miaka 10, tokea kuanzishwa kwa ‘Gombani Fitness Club’ lilioandaliwa kwa pamoja na TAMWA-Zanzibar na Shirika la Bima.

Alieleza kuwa, kwa vile mozoezi ni jambo muhimu kwa kila mmoja, ni vyema kuwepo na kanuni ndogo ndogo, ambazo zitawavutia wengine, kushiriki katika kupata kinga ya miili yao.

Alifahamisha kuwa, ni kweli kama kuna viashiria vya uvunjifu wa maadili, inaweza kuwa sababu kwa baadhi ya watu, kuona sio sehemu salama, ingawa zikiwepo kanuni zitawavutia wengi.

‘’Kama mlivyosema kuwa, moja ya changamoto zenu ni kuwepo kwa dhana potofu, kuwa mwanamke anapofanya mazoezi au kushiriki michezo ni uhuni, sasa ili kuliondoa hili andaeni kanuni zenu,’’alishauri.

Katika eneo jingine, Makamu huyo wa Kwanza wa Rais Zanzibar Othman Massoud Othman, aliitaka jamii kurudi kwenye vyakula vya asili, ili kujipunguzia magonjwa.

Alieleza kuwa, kwa mfumo wa maisha ulivyo sasa, na aina ya vyakula vilivyopo, ni lazima sasa jamii irudi kwenye vyakula vya asili, ili kupunguza ukali wa magonjwa.

‘’Wengi wetu tunavyovitambi sugu, mazoezi hatutaki, basi japo kurudi kwenye vyakula vya asili, ambavyo kwa kiasi kikubwa, havisababisha magonjwa ya moja kwa moja,’’alishauri.

Akizungumzia faida za mazoezi, alisema ni kupunguza magonjwa ambayo pamoja na matumizi ya dawa, lakini yanapungua nguvu, kwa kufanya mazoezi.

‘’Faida nyingine ya mazoezi ni kujenga umoja, mshikamano wa kweli, baina ya mtu na mtu na hata klabu moja na nyingine,’’alifafanua.

Kuhusu miaka 10 ya ‘Gombani Fitness Club’ Makamu huyo wa Kwanza, aliupongeza uongozi, kwa kuendelea kuwalea wanachama na kufikia malengo yao.

‘’Hili mlilolianzisha ni jambo muhimu mno, na mimi nitakuwa balozi nzuri kwa wenzangu, kuwaelekeza namna ya kuwa na vilabu vingi zaidi, vyema wanachama wengi,’’alifafanua.

Mwenyekiti wa Gombani Fitness Club Hamad Ali Malengo, alimshukuru Makamu huyo wa Kwanza, kwa kukubali kushirikiana nao, katika sherehe hizo za miaka 10 ya taasisi yao.

Aidha, alisema wamekuwa wakishirikishwa na kushirikiana kwa karibu na serikali za mkoa wa wilaya, katika shughuli kadhaa za kitaifa.

Akisoma risala ya kwa niaba ya Shirika la Bima Zanzibar Afisa Program wa mradi wa michezo kwa maendeleo kutoka Chama cha Waandishi wa Habari Wanawake Tanzania TAMWA-Zanzibar Hairat Haji, alisema wamekuwa wakiihamasisha jamii, kuwa michezo ni kwa wote.

Alisema, mradi huo kwa sasa unatekelezwa na Jumuiya ya wanasheria wanawake Zanzibar ‘ZAFELA’ Kituo cha mijadiliano kwa vijana ‘CYD’ pamoja na TAMWA-Zanzibar kwa ufadhili Shirika la Maendeleo la Kimataifa la Ujerumani ‘GIZ’

Alifafanua kuwa lengo kubwa, ni kuongeza ushiriki wa wanawake na watoto wa kike, katika mazoezi na michezo, kwani kila mtu, anayo haki sawa, hasa katika eneo hilo.

‘’Katika kufanikisha mradi huu, sisi TAMWA jukumu letu ni kuwawezesha waandishi wa habari kimafunzo, na kisha wawe weledi wa kukuza usawa wa kijinsia na ujumuishi katika michezo, kupitia kazi zao,’’alieleza.

Aidha alisema, tayari waandishi wa habari 30 wa Zanzibar, wameshawezeshwa namna bora ya kuandika habari na kutengeneza vipindi, vinavyoelezea fursa sawa ya michezo na eneo la ujumuishi.

Kuhusu changamoto, alisema zilizoibuliwa ni kuinasibisha michezo na mazoezi kwa mtoto wa kike na wanawake, ni uhuni, jambo ambalo sio sahihi.

‘’Jingine lililoibuliwa na waandishi wa habari, ni ukosefu wa miundombinu rafiki, ughali wa vifaa vya michezo pamoja na dhana ya utamaduni,’’alieleza.

Mapema Mwenyekiti wa Umoja wa vilabu vya mazoezi Zanzibar ‘ZABESA’ Said Suleiman Said, alisema wamekuwa wakikabiliwa na changamoto kadhaa, moja wapo ikiwemo ukosefu wa eneo mahasusi la kufanyia mazoezi.

Awali Mkuu wa wilaya ya Chake chake Abdalla Rashid Ali, alisema Gombani Fitness Club, imekuwa mstari wa mbele katika kushirikiana na serikali.

‘’Inapotokezea shughuli za kitaifa, hushiriki kwenye usafi, uchangiaji damu, jambo ambalo linatupa moyo kuona wanajali serikali yao bila ya ubaguzi,’’alisema.

Awali Makamu huyo wa Kwanza wa Rais Zanzibar Othman Massoud Othman, aliungana na vilabu zaidi ya vitano vya mazoezi kutoka Unguja, Tanga na wenyeji Pemba, katika matembezi ya kilomita tatu, yalioanzia mjini Chake chake hadi uwanja Gombani.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog