SHEHA WAWI AKERWA KESI ZA UDHALILISHAJI KUFANYIWA SULHU

NA HAJI NASSOR, PEMBA@@@@

SHEHA wa shehia ya Wawi wilaya ya Chake chake Sharifa Wazir Abdalla, amewataka wananchi kuendelea kuziripoti kesi za udhalilishaji katika vyombo husika, na kutojihusisha na vikao vya kuzifanyia sulhu.

Akizungumza na mwandishi wa habari hizi, alisema kisheria kesi za udhalilishaji na za jinai kwa ujumla, hutakiwa kuripotiwa moja kwa moja, katika vyombo vya sheria.

Alisema, ni kosa kwa jamii kuitisha vikao vya sulhu, kwani husababisha kuwapa nguvu wadhalilishaji, kwa vile wanakosa hukumu.

Sheha huyo alieleza kuwa, kuwaripoti katika vyombo vya sheria, kutochechea makosa hayo kupungua katika jamii, ambayo huwaathiri wanawake na watoto.

‘’Kila mmoja awe mlinzi kwa mwenzake, na asikubali kushiriki katika vikao vya sulhu, iwe kwa ajili ya kuchukua fedha ama kumkimbiza mtuhumiwa,’’alieleza.

Katika hatua nyingine, sheha huyo wa shehia ya Wawi Sharifa Waziri Abdalla, alisema wataendelea kutoa elimu kwa jamii, juu ya madhara ya matendo hayo.

‘’Sisi kupitia shehia yetu, tumekuwa tukiwatumia wasaidizi wa sheria, askari wa shehia na kamati yangu ya maadili kutoa elimu kila kijiji, ili wananchi wapate uwelewa,’’alieleza.

Kwa upande wake, Katibu wa sheha wa shehia hiyo Shem Haroub Said, alisema bado jamii imekuwa ikiendeleza kuzifanyia sulhu, kesi hizo.

Alisema, pamoja na elimu wanayoitoa, lakini wapo baadhi wamekuwa wakipuuzia hilo, na kusababisha watoto wa kike kukosa haki zao.

‘’Elimu tumekuwa tukiitoa kila muda, juu ya athari ya matendo hayo hasa kuyafanyia sulhu, kwani watoto wanaweza kukosa haki zao,’’alifafanua.

Nae Mratibu wa wanawake na watoto shehiani humo, Fatma Kassim Mohamed, aliziomba mamlaka ya vyombo vya sheria, kutozifumbia macho kesi za aina hiyo.

‘’Wakati mwengine, mtoto anapelekwa mbele ya vyombo vya sheria ameshaharibiwa, ingawa mwisho anaambiwa ushahidi haujakamilika,’’alilalamika.

Mama mmoja ambae mtoto wake ameshabakwa mara mbili, ameziomba mmalaka, kumkamata kijana aliyetajwa na mtoto wake, kuwa ndio muhusika wa tukio hilo.

‘’Pamoja na kuripoti tukio hilo kwa vyombo husika, lakini bado muhsika anaendelea na shughuli zake kama kawaida, jambo ambalo linatuumiza sisi familia,’’alieleza.

Nae mwananchi Khamis Haji Seif, alisema bado baadhi ya wananchi wenzao, wamekuwa wakizifanyia sulhu kesi hizo, na wakati mwengine kusababisha kuzorotesha kesi hizo.

Hivi karibuni akifungua mafunzo ya siku 10 kwa wananchi wa Wawi juu ya kuzitambua sheria mbali mbali, Afisa Mdhamini wizara ya nchi, afisi, rais, Katiba, sheria na utawala bora Halim Khamis Ali, aliutaka uongozi wa shehia ya hiyo, kuendelea kushirikiana, ili kuondoa majanga hayo.

Mkurugenzi wa Juamuiya ya wasaidizi wa sheria wilaya ya Chake chake ‘CHAPO’ Nassor Bilali Ali, amesema moja ya njia ya kuondoa matendo hayo, ni jamii kushirikiana kwa karibu na vyombo husika.

Mwisho.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog