PEMBA TODAY

  NA HAJI NASSOR NIPO, jiji la Beijing linalopatikana takriban saa 12, kutoka uwanja wa ndege wa kimataifa wa Zanzibar, kwa usafiri wa anga. Jiji hili ni moja kati ya majiji manne yayounda taifa la China, likiwemo pia lile la Shanghai, ingawa Beijing ndio mji mkuu. Lenyewe limezungurukwa na milima mikubwa kwa upande wa magaribi, ingawa kusini mashariki na kaskazini mwa jiji hilo, linaujirani na bahari iitwayo Bohai. Jiji hili, lina ukubwa wa skweya kilomita 16,410, ambapo hadi mwishoni mwa mwaka 2023, lilikuwa na wakaazi milioni 21.858. Kati yao hao, wanaoishi ndani ya mji husika wa kudumu ni watu milioni 19.198, sawa na asilimia 87.8, huku ambao sio wa waakzi wa kudumu ni milioni 8.204 sawa na asilimia 12.2. Mpaka mwezi April 2023, Beijing pekee inazo wilaya 16 ‘ municipal districs’ ikiwemo ya Xichenga, Chaoyang, Fengatai, Shijingshan, Hiaidian, Miyun pamoja na wilaya ya Yanging.    Ukingia ndani ya jiji la Beijing, mara zote utakaribishwa na mazingira maz...

  NA HAJI NASSOR, PEMBA@@@@ WANANCHI wa Halmashauri ya wilaya ya Micheweni Pemba, wametakiwa kurejea utamaduni wao wa kuweka mazingira yao safi na salama, ili kujikinga na magonjwa ya kuharisha, ambayo chanzo chake kikuu ni uchafu. Ushauri huo umetolewa jana na Mwanasheria wa Halmashauri hiyo, Rukia Khamis Haji, alipokuwa akizungumza na mwandishi wa habari hii, kufuatia uwepo wa tishio la matumbo ya kuharisha, katika baadhi ya maeneo kisiwani Pemba. Alisema, suala la usafi haipendezi kuona wananchi wanalifanya kwa shindikizo la Halmshauri, bali wenyewe waamue kujielekeza kwenye usafi, ili kujihakikisha usalama wao. Alieleza kuwa, utamaduni wa kuweka mazingira safi na salama, ni vyema kwa wananchi wa Halmashauri hiyo, ikawa ndio utamaduni wao endelevu, kwani kinyume chake ni kujiangamiza. ‘’Hichi ni kipindi cha mvua na kinakuwa na changamoto zake, ikiwemo kusambaa kwa uchafu kutoka sehemu moja kwenda nyingine, hivyo suala la usafi lazima liwe kipaumbele chetu,’’alieleza. ...

  NA HAJI NASSOR, PEMBA@@@@ IDARA ya Katiba na Msaada wa Kisheria Zanzibar, imemkabidhi ripoti ya awali, ya kampeni ya msaada wakisheria ya Mama Samia, mara baada ya kumalizika kwa kambi ya siku 10 ndani ya mkoa huo. Kabla ya kukabidhi kwa ripoti hiyo, Mkuu wa Idara hiyo Pemba Bakari Omar Ali, alipongeza ushirikiano alioupata kutoka kwa maafisa wa taasisi mbali mbali za serikali, wakati wote wa kampeni hiyo. Alisema, katika kampeni hiyo, waliwatumia maafisa wa kamisheni ya wakfu, ardhi, mawakili wa serikali, makadhi, maafisa ustawi, matukio ya kijamii pamoja na waandishi wa habari. Alieleza kuwa, maafisa hao walisaidia kwa kiasi kikubwa, kupokea malalamiko na kuyapatia ufumbuzi papo hapo na mingine kuziandikia barua taasisi husika. Alifahamisha kuwa, kampeni hiyo ambayo ilikuwa katika mifumo miwili, moja ni kuwafuata wanafunzi wa skuli, vyuo vya elimu ya juu pamoja na mikutano ya jamii. ‘’Tulijigawa timu mbili, moja wilaya ya Micheweni na nyingine Wete, ambapo maafisa k...

    NA FATMA HAMAD, PEMBA@@@@ KIVUMBI na vilio viliibuka katika Mahkama ya mkoa Wete, kufuatia washitakiwa Suleiman Said Khamis (19) na Ali Iddi Ali (33) kwa kutaka kujitupa dirishani, baada ya kupelekwa Chuo cha Mafunzo kwa muda wa miaka saba, na kulipa fidia ya shilingi milioni 1, kwa kila mmoja kwa kosa la kubaka kwa kikundi.   Kabla ya kusoma hukumu yao jana Juni 17, 2025, Hakimu wa Mahkama hiyo Zuwena Mohamed Abdulkadir, alisema jumla ya mashahidi sita walisikilizwa mahkamani hapo, na ushahidi uliotolewa na upande wa mashtaka haukuacha chembe ya shaka na umewatia hatiani.   "Kutokana na ushahidi uliotolewa na mashidi wetu, mahkama tumeridhika na kwani hauna chembe ya shaka,"alisema.   Alisema kwa mujibu wa vifungu cha 108(1) na 110 (1), (2) vya vheria namba 6 ya mwaka 2018, kinaeleza kwamba kosa, la kubaka kwa kikundi adhabu yake ni kifungo cha maisha.   Kabla ya kutolewa hukumu hiyo Mwendesha Mashtaka wa serikali Juma Mussa Om...

    NA HAJI NASSOR, PEMBA@@@@ RAIS wa Zanzibar na Mwenyekiti wa Baraza la Mapinduzi Dk. Hussein Ali Mwinyi, amesema jukwaa la uwekezaji la mwaka 2025, litakuwa chanzo kikubwa cha kuwavuta uwekezaji, kutoka maeneo mbali mbali ulimwenguni, kuekeza Pemba. Dk. Mwinyi aliyasema hayo jana, kwenye jukwaa la uwekezaji, wakati akizungumza na wananchi kupitia vyombo vya habari, lililofanyika maeneo huru ya uwekezaji wilaya ya Micheweni kisiwani humo. Alisema, anaamini baada ya jukwaa hilo kumalizika, sasa wawekezaji watamiminika kisiwani, na hasa kwa vile katike maeneo hayo huru, yapo miundombinu rafiki kwa ajili yao. Alieleza kuwa, jukwaa hilo sasa litachapuza maendeleo ya haraka ya kisiwa hicho, kama ilivyo kwa Unguja, hasa kwa vile ujenzi wa barabara kadhaa, unaendelea kwa kasi na zipo ambazo zimeshakamilika kwa kiwango cha lami. Dk. Mwinyi alisema, hata ujenzi wa bandari za Mkoani Pemba, imeshatanuliwa na huku ujenzi wa bandari ya Shumba ukiendelea, kama ambavyo wakati wow...

    NA HAJI NASSOR, PEMBA@@@@ KATIBU wa Baraza la Mapinduzi na Katibu Mkuu Kiongozi Mhandisi Zena Ahmed Said, amesema tayari serikali ya Mapinduzi ya Zanzibar, imeanza kwa vitendo kukifungua kisiwa cha Pemba kiuchumi. Mhandisi Zena aliyasema hayo jana, eneo huru la Micheweni mkoa wa kaskazini Pemba, mara baada ya kuyapokea matembezi ya wanavikundi vya mazoezi na wananchi, kwenye kongamano la uwekezaji la mwaka 2025, yalioandaliwa na Mamlaka ya Kukuza Uwekezaji Zanzibar ‘ZIPA’. Alisema, kufanyika kwa kongamano hilo ni sehemu ya kukifungua kisiwa hicho kiuchumi, ujenzi wa barabara kadhaa za kisasa pamoja na utanuzi na ujenzi wa bandari mbali mbali. Alisema, serikali inayoongozwa na Dk. Hussein Ali Mwinyi, inaendelea kuonyesha kwa vitendo nia yake ya kukifungua kisiwa cha Pemba, kama alivyokuwa akiinadi wakati wakati wa kampeni. Alieleza kuwa, kilichobakia kwa wananchi wa Pemba, ni kushirikiana kwa karibu na serikali yao, ambayo ina nia ya dhati kuona uchumi wa Pemba, u...

  NA FATMA HAMAD, PEMBA@@@@ MJANE mwenye watoto saba amewaomba wahisani na watu wenye uwezo, kumpa msaada wa bati na miti, kwa ajili ya kuezekea nyumba yake, ili apate kustirika na watoto wake. Akizungumza na mwandishi wa habari hizi nyumbani kwake kijiji cha Madenjani Wilaya ya Wete Pemba, leo Juni 12, 2025 mama huyo Rehema Salum,  alisema nyumba anayokaa imeshakua mbovu, mvua yote inamnyeshea ndani mwake. Alisema anapatashida kwani mvua inaponyesha husimama barazani hata kama ni usiku mkubwa,kwa vile ndani hujaa maji na kukosa sehemu salama. ‘’Ndani hujaa maji, vitanda vyangu vyote vimeshaharibika sina hata pakulala na watoto wangu saba, naomba binadamu wezangu munisaidie nateseka,’’alilalamika. Alieleza tayari alishajenga vyumba viwili vya matufali, ingawa ameshindwa kuezeka, hivyo ameomba asaidiwe bati pamoja na miti kwa ajili ya kuezekea, ili apate kuishi sehemu anapostahiki   binadamu. Alifahamisha kuwa mume wake amemuacha na watoto saba, na kumuachia mz...

    NA HAJI NASSOR, PEMBA@@@@ WANANCHI wa kijiji cha Majenzi shehia ya Kengeja wilaya ya Mkoani, wameamua sasa kuyarejesha malezi ya pamoja, ili kuwa na taifa la sasa na baadae, lenye malezi, makuzi na maadili mema.   Wakizungumza kwenye kikao cha pamoja kilichofanyika leo Juni 8, 2025 kijijini hapo, wameamua kuanzia sasa malezi ya vijana wao, yawe ya pamoja, ili kuona wanakuwa na taifa lenye viongozi wenye maadili.   Walisema, kwa sasa vijana waliowengi kijijini hapo, wamekuwa na malezi yasioendana na maadili, jambo ambalo linahatarisha usalama wao na wazazi wao.   Mmoja kati ya wazazi hao Habib Mohamed Habib, alisema ni jambo jema kuona wazazi kuanzia sasa wanakusudia kusaidiana malezi, maana mzazi mmoja pekee ni vigumu kufanikisha malezi.   ‘’Mimi naunga mkono suala la malezi ya pamoja, katika kijiji chetu, maana hali imekuwa mbaya ya maadili ya vijana wetu, na kusababisha uwepo viashiria vya uhalifu kama wizi,’’alisema.   Nae ...