MKURUGENZI TUJIPE: ‘ELIMU KIDATO CHA NNE BADO NDOGO JIENDELEZENI'

NA HAJI NASSOR, PEMBA@@@@

WAHITIMU kidato cha nne skuli ya sekondari Wambaa wilaya ya Mkoani Pemba, wamekumbushwa kuwa, elimu waliyoipata bado ni ndogo, hasa kwa ulimwengu ulivyo, na badala yake, watafute namna ya kujiendeleza.

Kauli hiyo imetolewa na Mkurugenzi Mtendaji wa Jumuiya ya Tumaini Jipya Pemba ‘TUJIPE’ Tatu Abdalla Msellem, kwenye mahafali ya 18 ya wanafunzi hao, yaliofanyika skulini hapo.

Aliwaambia wahitimu hao kuwa, kwa sasa elimu imeongezeka thamani, na ndio maana kidato cha nne ni kama mwanzo wa kutafuta elimu, hivyo wahakikishe wanashirikiana na familia zao, ili kujisomea zaidi.

Alieleza kuwa, kwa sasa kuanzia kidato cha sita na kuendelea, ndio mwanzo wa elimu, hivyo kwa wale wanafunzi ambao hatobahatika kuendelea kidato cha tano na sita, wasivunjike moyo.

‘’Elimu ya kidato cha nne, kama ndio mwanzo wa elimu kwa dunia ya sasa, na wale ambao hawatobahatika, bado nafasi ya kujiendeleza kimasomo wanayo,’’aliwakumbusha.

Aidha Mkurugenzi huyo Mtendaji wa ‘TUJIPE’ aliwasisitiza wahitimu hao, kutojiingiza kwenye vitendo viovu muda wote wanpokua uraiani.

Katika hatua nyingine, aliahidi kusaidia gharama za wanafunzi watakaokaa kambi hapo mwakani na kusaidia vifaa kwa watakaoendelea kidato cha tano na sita moja kwa moja.

Akizungumzia nafasi ya wazazi na walezi, Mkurugenzi huyo aliwataka kuendelea kuwaelekeza watoto wao mambo mema ya kufanya, ili wawe raia wema muda wote.

‘’Nje kunaudhalilishaji, kuna matumizi ya dawa za kulevya, kuna wizi na matumizi ya bangi, bado wazazi tunalojukumu la kuhakikisha viajana hawa, hawaingii kwenye majanga hayo,’’alifafanua.

Mwalimu Mkuu wa skuli hiyo Mohamed Abdi Mohamed, alisisitiza uendelevu wa nidhamu kwa wahitimu hao, kwani kwa sasa, inakuwa rahisi mkono wa sheria kuwakumba.

Mapema Mwenyekiti wa kamati ya wazazi skulini hapo Abdalla Salim Juma, aliwakumbusha, kuhakikisha wanajisomea zaidi, elimu ya kumjua Muumba, ili wapate radhi zake.

‘’Ili utafute maisha na kujua misingi yake, jambo la kwanza ni kupata elimu ya kumjuua Muumba, ili kila unalolifanya, liwe rahisi na lenye baraka,’’alieleza.

Mwalimu Khamis Khatib Khamis, akitoa salamu kwa niaba ya waalimu wenzake, aliwataka wahitimu hao kujipanga vyema, ili kuyashinda mazingira yao.

Akisoma risala kwa niaba ya wanafunzi wenzake, Mohamed Khamis Abdalla, alisema wamejifunza mingi wakiwa skulini hapo, na kuahidi kuyaendeleza wakiwa uraiani.

Hata hivyo, walisema changamoto kubwa inayokabili ni uwepo wa ukaribu wa wanafunzi wa msingi na kupelekea, kukosa utulivu wa uzingatiaji wa masomo.

Mwalimu mstaafu wa skuli hiyo Juma Suleiman, alisema elimu ndio msingi mkuu wa maisha ya mwanadamu, hivyo hilo katika maisha yao, liwe ndio kipaumbele pekee.

Katika mahafali hayo ya 18, wanafunzi hao 97, waliandaa utenzi, ambao ulijaa huzuni, maono yao, mwelekeo, ushauri kwa wanafunzi wenzao, wazazi na waalimu, ambapo kwa mwaka jana wanafunzi 86, kati yao 10 waliingia kidato cha tano.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog