WANANCHI TIRONI WATAMANI BARABARA YA LAMI, WIZARA YATIA NENO

NA HAJI NASSOR, PEMBA@@@@

WANANCHI wa vijiji vya Tironi na Kionwa, wilaya ya Mkoani Pemba, wameikumbusha wizara ya Ujenzi, Mawasiliano na Uchukuzi Zanzibar, kuwafikiria ujenzi wa barabara yao kwa kiwango cha lami, iliyoanzia Mbunguwani.

Walisema, wanaona wivu mkubwa kuona zipo barabara za ndani, kwa sasa zinaendelea na ujenzi, ambao yao haijaanza hata kupimwa.

Wakizungumza na mwandishi wa habari hizi kijijini hapo, walisema wakati umefika kwa sasa, kwa wizara husika, kuwatupia jicho, ili waondokane na usumbufu hasa kipincdi cha mvua.

Walisema, barabara yao imekuwa ikitoa kwa wingi zao la taifa la karafuu, hivyo ni vyema sasa mapato ya nchi hii, yakaelekezwa kwao, kwa ujenzi wa barabara yao.

Mmoja kati ya wananchi hao Maryam Haji Khamis, alisema wamekuwa wakipata dhiki, hasa wanapopata uhamisho wa kimatibabu.

‘’Kwa mfano sisi wazazi, wakati mwingine tunahitajika kwenda kirufaa hospitali ya wilaya ya Mkoani, lakini usumbufu, ni uwepo wa barabara iliyochakaa,’’alieleza.

Nae Hasina Juma Abdalla, alisema bado barabara yao licha kuwekewa kifusi kwa yale maeneo yenye shida, wanapata usumbufu mvua zikianza.

Kwa upande wake Muhamad Khamis Muhamad, alisema huu sio wakati tena, wa kupita juu ya barabara za mawe na udongo, bali iwe ni juu ya lami.

‘’Wenzetu kama barabara za Likoni, Mtale, Kiuyu Mbuyuni, Mtangani zinatangaazwa kwamba, ujenzi wake umeshaanza, lakini ya kwetu bado,’’alilalamika.

Mkuu wa wilaya ya Mkoani Khatiba Juma Mjaja, alisema barabara hiyo na nyingine za wilayani humo, zimo kwenye mpango wa uhakika wa ujenzi.

Alisema, Dk. Mwinyi ameshaazimia kuzijenga barabara zote za ndani, kwa kiwango cha lami, ikiwemo hiyo ya Mbuguani- Tironi hadi Kionwa, hivyo wananchi wendelee kuwa wastahamilivu.

‘Mimi taarifa nilizozo kuwa, ujenzi wa barabara hiyo wakati wowote utaanza, maana zipo kazi zimeshafanywa kwa ajili ya matayarisho hayo,’’alieleza.

Mapema Afisa Mdhamini wizara ya Ujenzi, Mawasiliano na Uchukuzi Pemba, Ibrahim Saleh Juma, alikiri kuwa, matayarisho ya ujenzi wa barabara hiyo, tayari umeshawiva.

Alisema, zoezi la upimaji limeshakamilika na tayari kamati ya watu tisa (9), imeshahimitisha kazi yake, ambayo imeshaleta mapendekezo juu miti ambayo itaondoka, wakati wa ujenzi.

‘’Kwa sasa tunaomfumo wa ujenzi wa barabara unaozingatia mazingira, na ndio maana tunayokamati maalum, ambayo moja ya kazi yake ni hiyo,’’alieleza.

Alifafanua kuwa, kamati hiyo yenye wataalamu, huangalia barabara iegemee upande gani, ili kuepusha ukataji wa miti, usiokuwa wa lazima wakati wa ujenzi ukianza.

Katika hatua nyingine, aliwataka wananchi wa vijiji vya Tironi na Kionwa, kuendelea kuwa wastahamilivu kw amuda mfupi, wakijua kuwa ujenzi wa barabara yao utafanyika.

‘’Unajua kasi ya Dk. Mwinyi ni ya mfano wa pekee, maana kati ya zile kilomita 275 za kwa Zanzibar, nasi Pemba kwa awamu ya kwanza, tunakilomita 134 ambazo kazi inaendelea kwa kasi,’’alieleza.

Imefahamika kuwa, Zanzibar yote inaomtandao wa barabara usiozidi kilomita 1,344, na wakati anagia madarakani miaka minne iliyopita, kulikuwa na wastani wa asilimi 40 ya barabara, zilizojengwa kwa kiwango cha lami, na asilimia 60, zilizobakia zilikuwa na kifusi na udongo.

Akizungumza hivi karibuni, Waziri wa wizara hiyo Dk. Khalid Salum Mohamed, alisema moja ya kipaumbele ndani ya awamu ya nane, ni kuhakikisha barabara zote, zimejengwa kwa kiwango cha lami, ikiwemo la Tironi.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog