MRADI 'URAIA WETU' PEMBA, WAIBUA RUNDO LA CHANGAMOTO ZA KISHERIA, SERA

NA HAJI NASSOR, PEMBA@@@@

MWEMVULI wa asasi za kiraia Pemba ‘PACSO’ umekutana na wadau wake, ili kuibua changamoto za kisheria na kisera, zinazotajwa kurejesha nyuma, utendaji wa kazi zao na jamii kwa ujumla.

Akizungumza kwenye mkutano huo uliofanyika leo Novemba 3, 2024 ukumbi wa Maktaba Chake chake, Katibu Mkuu wa ‘PACSO’ Sifuni Ali Haji, alisema lengo la mkutano huo, ni kuibua changamoto hizo na kuzifanyia kazi.

Alisema, ‘PACSO’ kwa sasa inaendelea na utekelezaji wa mradi wa urai wetu, ambapo moja ya eneo la utekelezaji wake, ni kuibua changamoto za kisheria na sera, zinazokwaza makundi ya vijana, wanawake na watu wenye ulemavu.

Alieleza kuwa, changamoto hizo kisha, huziwasilisha kwa jumuia pacha wanaotekeleza mradi huo pamoja, ambayo ni Jumuiya ya wanawake wenye ulemavu Zanzibar ‘JUWAUZA’.

Katibu Mkuu huyo alifahamisha kuwa, mfano wa jambo kama hilo, tayari zipo changamoto ambazo awali ya mwaka huu, ziliibuliwa na ‘PACSO’ na kuzifikisha kwa ‘JUWAUZA’ kwa hatua ya kuzifikisha serikalini.

‘’Mkutano huu wa siku moja, ni muendelezo wa mikutano yetu mbali mbali, inayofanywa kupitia mradi wa uraia wetu, na leo (jana), tunataka muufahamu mradi na kisha kuwasilisha changamoto za kisheria na sera,’’alieleza.

Hata hivyo Katib Mkuu huyo, alisema kama asasi za kiraia zikungana kwa dhati, hakutakuwa vikwazo, kwenye utendaji wa shughuli zao.

‘’Ikiwa tutaendelea kujifungia na kufanyakazi kila mmoja peke yake, tutaendelea kuandamwa na changamoto za kikazi kila siku, lakini umoja wetu, ndio hatma yetu,’’alifafanua.

Mapema akifungua mkutano huo, Mratibu wa miradi kutoka ‘PACSO’ Mohamed Najim Omar, alisema uraia wetu ni mradi wa kukuza mazingira wezeshi, kwa asasi za kiraia zenye uwezo wa kushiriki, katika utawala wa kidemokrasia nchini.

Alisema, mradi huo unatekeleza na ‘the foundation for Civil society’ kwa kushirikiana na ‘PACSO’ kwa Pemba na kituo cha majadiliano kwa vijana ‘CYD’.

Alieleza kuwa, mradi huo umegawika maeneo matatu makuu, ikiwemo ngazi ya kitaifa, taifa na utekelezaji kwenye makundi maalum, wakiwemo wanawake na vijana.

Mratibu huyo alifafanuwa kuwa, kwa ngazi ya kitaifa mradi unatekelezwa na asasi kadhaa ikiwemo Jukwaa la Katiba Tanzania ‘JUKATA’, Tanganyika law society kwa upande wa Tanzania bara na JUWAUZA kwa Zanzibar.

‘’Kupitia mradi huu, tayari tumeshakutana na makundi ya watu wenye ulemavu, wanawake, vijana, waandishi wa habari na maafisa wa serikalini, nao waliibua changamoto zao za kisheria na kisera,’’alifafanua.

Akizungumzia lengo la mradi, Mratibu huyo alisema ni kuchangia kuwepo kwa mfumo wa sera na kisheria, ambao umeimarishwa na kuwezesha mazingira mazuri ya ushirikishwaji wa asasi za kiraia, kama watendaji wakuu wa utawala bora na demokrasia.

‘’Lakini malengo mahasusi moja wapo ni asasi, kuwa na taarifa sahihi ya kila eneo, pili ni kupanga na kuimarisha uwezo wa asasi kuwa na ushirikiano na serikali na kusaidia asasi hizo, kuendesha midahalo ya wazi na serikali,’’alifafanua.

Mapema akichangia utoaji wa changamoto za kisera na kisheria, Mkurugenzi wa Jumuiya ya wasaidizi wa sheria wilaya ya Mkoani Nassor Hakim Haji, alisema moja ni kutopewa mikataba kwa baadhi ya wafanyakazi wa kampuni za kigeni.

Nae Abdi Nassor Abdi, alisema pia kuna changamoto kwa wafanayabiashara ya kudaiwa tozo la risiti mara mbili, wanapotoka kisiwa kimoja na chingine wanapokuwa na bidhaa zao.

Kwa upande wake, Juma Bakar Alawi, alisema kuna fedha za mikopo kwa watu wenye ulemavu, kupitia mabaraza ya miji na halmashauri, ingawa kumekuwa na changamoto ya upatikanaji wake.

Nae mjumbe kutoka Jumuiya ya wenye dalala na gari za mizigo mkoa wa kusini Pemba ‘PESTA’, Ali Hemed Soud, alisema changamoto ya kisera, ni eneo la ulipajwa fedha za bima kwa mwaka, ingawa gari za abiria, wanafanya kazi miezi sita.

Mkutano huo, ni sehemu ya utekelezaji wa mradi wa ‘uraia wetu’ unaotekelezwa na ‘PACSO’ kwa muda wa miaka minne, kwa ufadhili wa ‘the foundation for civil society’ kupitia Umoja wa nchi za Ulaya ‘EU.’

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog