WAZAZI MICHEWENI: 'WAPENI WATOTO VYAKULA VYA ASILI KUJENGA MWILI'

IMEANDIKWA NA ZUHURA JUMA, PEMBA@@@@

WAZEE wa shehia ya Majenzi Wilaya ya Micheweni Pemba wamesema, iwapo wazazi wa watoto wanaozaliwa miaka ya sasa wanafuata utaratibu wao waliokuwa wakuwapikia vyakula vya lishe, wangekuwa na nguvu pamoja na afya bora.

Walisema kuwa, mambo mengi ya zamani yameachwa kutekezwa hali ambayo inasababisha madhara kwao, hivyo ni vyema wakafuata utaratibu waliokuwa wakitumia wao zamani kwa lengo la kujenga afya bora ya mtoto.

Walisema kuwa, utamaduni wao wa malezi ya watoto wachanga waliokuwa wakiufuata uliwajenga sana watoto wao kwa kupata nguvu sambamba na kuepukana na husda pamoja vijicho.

‘’Maisha ya sasa kila kitu watu hawakitaki, utasikia mtoto mchanga ana gesi, mbona sisi zamani walikuwa watoto wetu hawaumwi ovyo na walikuwa na nguvu’’, awalisema wazee hao.

Hamad Mbwana Shaame mkaazi wa shehia hiyo alisema kuwa, kutokana na utamaduni wao wa Micheweni, mtoto anapofikia siku saba tu alikuwa anapikiwa kibwabwa au papai na kurambishwa, ili kukua vizuri, kupata nguvu na afya bora.

‘’Anaanza kwa kurambishwa na kila akikuwa inakuja hatua nyengine ya kulishwa, hivyo kipindi hicho watoto walikuwa hawapati maradhi kiholela’’, alifahamisha.

Alisema kuwa, kibwabwa hicho kinapikwa kwa unga wa mchele na sukari na unakuwa ni laini sana, huku anasubiriwa mtoto kukua na kupikiwa uji wa mtama na uwele, jambo ambalo kwa wazazi wa sasa hawaliendelezi.

Kwa upande wake Saada Said Kombo alisema, utamaduni wao ilikuwa wanatafuta chochoni na kuzitengeneza vizuri na badala yake wanaanika na kuzitwanga kwa ajili ya kupata unga, hivyo mtoto anapofika siku saba baada ya kuzaliwa, unachanganywa na sukari kidogo na kurambishwa mara tatu.

‘’Unga wa chochoni ni mzuri kwa sababu ni dawa, kwani mtoto ilikuwa sio rahisi kupata kijicho ama husda na pia ilikuwa hapati magonjwa ya mara kwa mara kama watoto wa sasa ikiwemo gesi’’, alisema bibi huyo.

Alisema kuwa, wazazi wa sasa wanasema chochoni zina sumu na ndio hawawapi watoto wao, jambo ambalo sio kweli kwa sababu wao walikuwa wanautengeneza vizuri na kuwapa watoto wao na wala hakuna aliekufa.

‘’Tulikuwa tunaziroweka siku tatu na kila siku tunamwaga maji na tunaingiza mengine, sasa faida ya chochoni kwanza inajenga mwili, kitu cha pili ni fungo la mwili kwani mtoto hapatwi na ubaya’’, alieleza.

Nae Sharifu Massoud Hamad alisema kuwa, watoto wengi wanaozaliwa miaka ya sasa wengi wao wanakumbwa na magonjwa mbali mbali kutokana na kuwalisha watoto vyakula ambavyo havistahiki kupewa.

Sheha wa Shehia hiyo Faki Kombo Hamad alisema kuwa, vyakula hivyo walipikiwa wao na wazazi wao walipokuwa wachanga, ingawa kwa sasa wanaambiwa kuwa mtoto hatakiwi kupuewa kitu chochote mpaka afikie miezi sita.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

HABARI ZA HIVI PUNDE

TAARIFA za hivi punde, zilizofikia ofisi ya Pemba Today, zinaeleza kuwa, Jeshi la Polisi mkoa wa kaskazini Pemba, linamshikilia askari mwenzao, kwa tuhuma za ubakaji ndani ya moja ya kituo cha Polisi kisiwani Pemba Muume wa mwanamke aliyedai kubakwa na Mwanamke mwenyewe, wamedai kutokea kwa tendo hilo, na huku Kaimu Kamanda wa Polisi mkoa wa kaskazini Pemba, akithibitisha kupokea kwa lalamiko hilo.... Kwa taarifa zaidi ya tukio hili endelea kufuatilia mtandao huu, ambao kukuhabarisha ni fahari yetu...

PEMBA TODAY

Search This Blog