WADAU WA HABARI PEMBA WAVIONESHEA KIDOLE VIFUNGU KANDAMIZI KWA WAANDISHI

NA ZUHURA JUMA, PEMBA

WADAU wa habari kisiwani Pemba wamesema, kuwepo kwa baadhi ya vifungu vya sheria visivyo rafiki kwa wanahabari vinasababisha kunyima uhuru wa vyombo vya habari nchini.

Wakizungumza wakati wa mkutano wa kukusanya maoni ya wadau juu ya maboresho ya vifungu vinavyominya uhuru wa habari, uliofanyika TAMWA Pemba, wadau hao walisema, kuna haja ya kuwekwa sheria ambazo zitawasaidia waandishi wa habari kufanya kazi zao bila vikwazo.

Walisema kuwa, habari ni muhimu sana na ndio chanzo cha maendeleo katika nchi, hivyo ni vyema vifungu vya sheria vilivyo na mapungufu vifanyiwe maboresho na visivyofaa viondoshwe kwa maslahi ya wanahabari na jamii kwa ujumla.

"Kwa kweli baadhi ya vifungu vyetu vya sheria havipo huru kwa wanahabari kwa sababu upande mmoja wamepewa uhuru lakini upande wa pili unapokonywa, kwa hiyo sio rafiki vinahitaji kurekebishwa", walisema wadau hao.

Said Rashid Hassan kutoka kituo cha Huduma za Sheria Pemba alipendekeza kuwepo kifungu kitakachomlinda mwandishi wa habari, ili wafanye kazi zao kwa uhuru.

"Katika sheria hii sijaona sehemu ambayo inamlinda mwandishi wa habari bali nimeona kwamba atakapofanya makosa achukuliwe hatua na ndio maana hawapo huru katika kufanya kazi zao, wanashindwa hata kuibua madudu ndani ya jamii", alisema.

Kwa upande wake Ali Massoud Kombo kutoka radio Jamii Micheweni alisema sheria ya Mtandao ya mwaka 2015 kinampa Mamlaka Waziri kukifungia chombo cha habari, hivyo ikiwa ana utashi wake binafsi au ameamka vibaya anaweza kukifungia chombo bila sababu ya msingi.

"Vijana tumeambiwa tujiajiri wenyewe lakini kutokana na fedha ya usajili iliyowekwa tunashidwa, Sheria inapaswa kurekebishwa ili kupunguza kuwango cha fedha za malipo na usajili" alisema.

Nae mwandishi wa habari wa mtandaono wa UGA TV Esau Kalukubila alisema, kuna kipengele kinampa mamlaka Rais kuunda Bodi bila kuangalia Mjumbe wa bodi hiyo atakuwa na sifa gani, hali ambayo inaweza kusababisha vikwazo katika tasnia ya habari.

"Hivi vifungu vilivyowapa Mamlaka makubwa Waziri, Afisa Polisi na Rais vinahitaji viboreshwe, kwani vinaminya uhuru wa habari, wajumbe wa bodi wanatakiwa kuomba wenye sifa wafanye usaili na sio kuteuliwa", alisema.

Akiwasilisha vifungu hivyo Mjumbe wa Bodi kutoka TAMWA Zanzibar Shifaa Said Hassan alisema kuwa, kila mtu ni mdau wa habari hivyo ikiwa sheria hizo zitabaki kuwa kandamizi na wao zitawakwaza kwa namna moja ama nyengine.

"Nyinyi ndio mnaotaka habari, ndio ambao mnataka kupaza sauti zenu kutokana na changamoto zinazowakwaza, kwa hiyo ikiwa hamukutoa mapendekezo yenu na nyinyi sheria hizi zitawabana tu", alisema muwasilishaji huyo.

Alieleza kuwa, baadhi ya vifungu hivyo sio tu vinanyima uhuru wa vyombo vya habari lakini pia vinanyima uhuru wa kujieleza na kutoa maoni, hivyo vinahitaji maboresho ili wananchi wapaze sauti zao.

Nae Afisa Ufuatiliaji na Tathmini kutoka TAMWA Mohamed Khatib alifahamisha kuwa, kuna baadhi ya vifungu vya sheria ya habari sio rafiki kwa wanahabari, hivyo wadau wanapaswa kuchangia ili kupata mawazo yao yatakayosaidia katika maboresho.

"Tunataka tupate sheria bora ya habari, itakayompa uhuru mwandishi wa habari kufanya kazi zake vizuri, hivyo tutakiwa tufanye ushawishi na utetezi kuhakikisha tunafanikiwa katika hili", alisema Afisa huyo.

Mkutano huo wa kujadili na kukusanya maoni ya wadau juu ya marekebisho ya sheria ya habari ina lengo la kupata sheria bora na huru kwa vyombo vya habari nchini.

MWISHO.

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 mchan

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’’ali

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo ni vy

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa ufafan

PEMBA TODAY

Search This Blog