KONGAMANO SIKU 16 ZA KUPINGA UKATILI PEMBA LAWAONYESHEA VIDOLE WATOTO KUANZIA MIAKA 14

NA HAJI NASSOR, PEMBA::

MAHAKAMA maalum ya kupamba na makosa ya ukatili na udhalilishaji mkoa wa kusini Pemba, imesema kesi za udhalilishaji zinazowahusu watoto wenye umri wa kati ya miaka 14 hadi 17, ndio pekee zinazowatesa wao na ofisi ya Mkurugenzi wa mashtaka, kwa kule kukataa kutoa ushahidi.

Kauli hiyo, imetolewa na Hakimu wa mahakama hiyo Muumini Ali Juma, wakati akitoa ufafanuzi wa baadhi ya masuali yalioulizwa na wananchi, kwenye kongamano la kuelekea siku 16 za kupinga ukatili, lililofanyika Kiwanda cha Makonyo Wawi.

Alisema, mara matukio hayo yanapotekezea kwenye jamii, wazazi wao huwa na ari, kasi na hamu ya kuyafikisha mbele ya vyombo vya sheria, ingawa baada ya muda, hawaonekani mahakamani.

Alisema, na hasa kesi za aina hiyo zinazowaweka njia panda ni zile zinazowakabili watoto wenye umri kati ya miaka 14 hadi 17, ambao kimatendo ni watu wazima.

‘’Hao wanaobahatika kufika mahakamani, basi wakati wa kutoa ushahidi hueleza kuwa, wale watuhumiwa waliodai kuwabaka hawawajui, na kuiacha njia panda mahakama na upande wa mashtaka,’’alisema.

Aidha Hakimu huyo alisema, suala la kufika mahakamani kutoa ushahidi, ni njia moja muhimu na ya haraka katika kuyapunguza ama kuyaondoa matendo hayo.

Akifungua kongamano hilo, Msaidizi Kamishna wa Jeshi la Polisi mkoa wa kusini Pemba Cyprian Mushi, alisema kila mmoja akitekeleza wajibu wake, matendo hayo yatakoma.

‘’Kwa mfano kama leo hii, asasi za kiraia zimeungana katika kuitisha kongamano hili, ambalo kila mmoja atatoa maoni yake, na huwenda sulhu ya pamoja, ikapatikana,’’alieleza.

Mwenyikiti wa kamati ya kuelekea siku 16 za kupinga ukatili na udhalilishaji Nassor Bilali Ali, alisema lazima jamii ikae chini na kufikiria upya, suala la kuwa na malezi ya ushirikiano.

Alieleza kuwa, kama yapo mambo jamii wanashirikiana mfano harusi, msiba na hivyo hivyo utamaduni huo uhamishiwe kwenye malezi ya pamoja.

Mwakilishi kutoka wizara ya Jinsia, Wazee, Maendeleo ya wanawake na watoto Pemba, Omar Mohamed Ali, alisema wizara pekee ni vigumu, kumaliza vitendo hivyo.

‘’Sisi tupo kama kutoa miongozo, sera na maelekezo kwenye mapambano dhidi ya udhalilishaji, sasa lazima na wengine tushirikiane katika kuona, hili linafikia pahala pazuri,’’alieleza.

Mapema akiwasilisha utafiti wa kihabari wa mapambano dhidi ya udhalilishaji kwa watu wa karibu, uliofanywa na Chama cha waandishi wa habari wanawake Tanzania ‘TAMWA-Zanzibar’ mwanaharakati Safia Saleh Sultan, alisema utafiti umegundua kuwa wapo baba wazazi 13, waliowabaka watoto wao wa kuwazaa.

Aidha utafiti huo umeibua, baba walezi 25, Unguja wakiwa 13 na na Pemba 12, ambao nao wamewabaka watoto wao walezi, na kutumia nafasi yao vibaya.

Hata hivyo mwanaharakati huyo alisema kuwa, wapo waalimu wa madrasa 20, Unguja na Pemba, waliotuhumiwa kuwadhalilishaji wanafunzi wao.

Wakichangia kwenye kongamano hilo, washiriki hao akiwemo sheikh Abdalla Nassor Mauli, alilipongeza Jeshi la Polisi, kwa kubadilika katika utendaji wao wa kazi.

Nae Fatma Maulid Kassim kutoka kituo cha mkono kwa mkono wilaya ya Chake chake, alipendekeza kuwa, kama wapo wazazi, walezi na watu wengine wanakataa kutoa ushahidi, sheria ichukue nafasi yake.

‘’Hiwezekani serikali na wanaharakati hawalali usiku na mchana katika mapambano ya ukatili na udhalilishaji, kisha mwengine anaejua kila jambo, ashindwe kuvisaidia vyombo vya sheria,’’alieleza.

Nae mjumbe wa sheha kutoka shehia ya Vitongoji Fatma Mohamed Ali na mwenzake Rizik Hamad Ali, walisema kama kuna madaktari au watendaji wa Jeshi la Polisi, wanavizisha kesi hizo, wachukuliwe hatua.

Hata hivyo mjumbe wa kamati hiyo Khalfan Amour Mohamed, alisema mporoko wa maadili, rushwa muhali na wazazi kukubali kuzimaliza kesi hizo nje ya mahaka, yanachangia kuendelea kuweko.

Kongamano hilo, ni sehemu ya shamra shamra za kuelekea kilele cha maadhimisho ya siku 16 za kupinga ukatili na udhalilishaji, ambapo makongamano kama hayo yamefanyika wilaya zote za Pemba.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog