WANANCHI MFIKIWA CHAKE CHAKE: MRADI WA DUMISHA AMANI UMEPUNGUZA MISUGUANO

HABIBA ZARALI, PEMBA

WANANCHI wa shehia ya Mfikiwa Wilaya ya Chake chake kisiwani Pemba, wameupongeza mradi wa 'dumisha amani Zanzibar’ kwa kuwapa elimu ya utatuzi wa migogoro, uliowawezesha kupunguza mivutano na sasa kuishi kwa amani.

Walisema kabla ya kuwafikiwa na mradi huo, katika shehia yao kulikithiri migogoro hasa ya ardhi, kati yao na serikali ingawa kwa sasa hali inaendelea vizuri.

Wakizungumza kwenye mkutano wa ufupisho wa mradi huo na kuangalia changamoto za migogoro, waliyoibuwa ulioandaliwa na tasisi ya Search for Common Ground na Foundation for civil society shehiani humo, ikiwa ni sehemu ya utekelezaji wa mradi huo walisema chanzo cha uvunjifu wa amani ni kutotendeka kwa haki.

Mmoja kati ya wananchi hao Khamis Ali Khamis, alisema migogoro ya ardhi, waliyokuwa nayo nyuma ilisababishwa na kutotendewa haki na baadhi ya taasisi za serikai, baada ya kuchukuwa ardhi bila ya kuwashirikisha wananchi.

Alisema kama haki itatendeka vyema katika kila sekta, na idara zote suala la uvunjifu wa amani, wala kuibuka kwa migogoro halitokuwepo.

"Migogoro itaweza kupunguwa iwapo Serikali itawashirikisha wananchi ipasavyo na kuwatendea haki, wakati wanapowahudumia wananchi ",alisema.

Nae Mwaache Juma Abdalla alieleza kuwa, pamoja na kupata elimu hiyo ya utatuzi wa migogoro na kuweza kuifanya kazi, katika shehia yao bado watendaji wa serikali wana jukumu la kutekeleza haki.

Alifahamisha kuwa, ili juhudi hizo ziweze kifanikiwa ni jukumu la Serikali kupunguza tozo kwenye sekta ya ardhi, ili kuwafanya wanyonge waweze kumiliki hati za ardhi bila ya vikwazo.

"Kila mmoja anahitaji kupata hati ya kumiliki ardhi, lakini mizunguko na gharama wengi wetu tunashindwa kuihimili kutokana na hali zetu za umaskini,’’alisema.

Habib Haji Saleh alieleza kuwa, uvunjifu wa amani hujitokeza baada ya mwenye haki kukoseshwa na kupewa mtu mwengine, bila hata ya kupewa elimu stahiki.

Alifahamisha kuwa, uvunjifu wa amani Zanzibar, husababishwa na kuwepo kwa migogoro mengi ikiwemo ya uchaguzi, ardhi, ndoa na udhalilishaji, hivyo ni jukumu la jamii, kutilia maanani maeelekezo yaliyotolewa na mradi na kuweza kuishi kwa amani.

Mapema mpatanishi wa migogoro kutoka taasisi ya foundation for civil society Maalim Mohamed Said, alisema lengo la taasisi hiyo, ni kuifanya Zanzibar kuwa na amani endelevu.

Alisema, tayari ipo migogoro kadhaa kiwemo ya ardhi, ndoa, mirathi na kusisitiza kuendelea kutimiza njia ya utatuzi wa migogoro kwa amani.

‘Zanzibar kwa sasa inaendeshwa kwa mfumo wa serikali ya Umoja wa Kitaifa, ambapo suala la amani ni jambo la mwanzo, na huku tasisi hizi za Fcs na Search kuja na mradi huu, ni jambo la faraja,’’alieleza.

Akiwasilisha baadhi ya changamoto zilizoibuliwa katika mradi huo, Mratibu wa Kituo cha Huduma za Sheria Zanzibar ZLSCA TAWI LA Pemba, Safia Saleh Sultan alisema ni matarajio ya mradi huo utakapomalizika kuona wananchi wanaendeleza, wajibu wao wa kudumisha amani, katika maeneo yao.

Nae Mwanasheria kutoka kamisheni ya Ardhi Pemba Asha Suleiman Said, alisema jambo linaloweza kuondosha migogoro ya ardhi kwa jamii, ni kufuata sheria zikiwemo za ununuzi na uuzaji, kutafuta hati miliki na kupeana elimu ili kila mmoja aweze kuwa na uwelewa.

Mradi wa dumisha amani Zanzibar ambao ulizinduliwa mwaka 2021 unatekelezwa kwa pamoja kati ya search for Common Ground, the foundation for Civil Society, kwa ufadhili wa Jumuiya ya nchi za Ulaya ‘EU’ na ukitarajiwa kumalizika mwaka huu.

Mwisho

Comments

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...

'MKAPA' NA WENZAKE PEMBA WALAZWA RUMANDE

NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...

…….SUZA WATOA USHAURI WA ADHABU YA KUNYONGWA

NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...

PEMBA TODAY

Search This Blog