Skip to main content

NAMANA AMBAVYO WATOTO WA KIKE WANAVYOANDALIWA KUWA VIONGOZI WAKIWA SKULINI

By

 



NA NUSURA SHAABAN, ZANZIBAR@@@@

KATIKA dunia ya leo, umuhimu wa kuwaandaa watotowa kike kuwa viongozi wa kesho hauwezi kupuuzwa, Skulini ndiko safari ya uongozi huanzia, na hapa Zanzibar, skuli kama Memon Academy na Skuli ya Sekondari Benmbella zinachukua hatua kubwa kuhakikisha watoto wa kike wanapewa fursa ya kujifunza na kuongoza.

Mpango wa Maendeleo wa Zanzibar 2050, unasimama kama nguzo muhimu ya kuendeleza vijana, hasa wasichana, kwa kuwaandaa kushika nafasi za uongozi wa siku zijazo.

Mpango huu umejikita katika kukuza elimu na ustawi wa vijana,ambapo mbali na mpango huo, kuna na Sheria ya mtoto ya Zanzibar ya mwaka 2011, inayolenga kulinda haki za watoto, ikiwa ni pamoja na haki ya kupata elimu na fursa sawa za maendeleo ya uongozi.

Kwa kupitia sheria hiyo tunashuhudia namna watoto wa kike wanavyopata fursa mbalimbali za kielimu, ikiwemo majukumu ya uongozi kwa nafasi za mawaziri wa darasa, viongozi wa michezo, na wakuu waklabu. Hiyo ni sehemu ya mchakato wakuwajengea uwezo wakiakili na kiroho wakuwa viongozi wa kesho.

Kwa mujibu wa takwimu za UNICEF (2018), asilimia 60 ya wasichana walioko kwenye program za uongozi skulini wameonyesha kuboresha ujuzi wa mawasiliano, ushirikiano, na uwezo wakufanya  maamuzi.

Aidha, ripoti ya UN Women (2020) inabainisha kuwa 50% ya watoto walioshiriki katika program za uongozi wamepiga hatua kubwa katika kujenga ujasiri na kushiriki katika majadiliano ya kijamii.

Hayo ni mafanikio yanayothibitisha umuhimu wa kuwaandaa watoto wa kike kuwa viongozi wakiwa bado skulini.

Uongozi wa Wanafunzi wa Kike: Mfano wa Skuli ya Benmbella na Memon

Maryam Hassan Kassim, Rais wa Serikali ya Wanafunzi katika Skuli ya Sekondari ya Benmbella,  anaongoza wanafunzi 870 Skulini hapo, anakiri changamoto za uongozi lakini anamtazamo chanya.

"Uongozi wa wanafunzi si mdogo. Ni daraja kuelekea kuwa kiongozi wataifa. Mimi nataka kuwa Rais wa pili wa kike wa Tanzania," alisema Maryam.

Katika nafasi ya Waziri wa Mazingira, Nasra Hatibu  Abdalla, ni mwanafunzi wa kidato cha sita Skuli ya Sekondari ya Benmbella, anaeleza kuwa kiongozi mwanamke kama Rais Samia Suluhu Hassan ni chachu ya kutokata tamaa licha ya changamoto anazo kutana nazo.

Hali hiyo inaungwa mkono na Twalaa Kassim Suleiman, Makamu wa Rais wa Skuli hiyo kwasababu anasema "Huwezi ukawa kiongozi na watu wote wakakukubali, lakini changamoto hizi ndizo zinazotufanya kuwa na nguvu."

Kwa upande wake mwanafunzi Sabra Salum Omar, yeye ni Rais wa Skuli ya Memon Academy iliyopo Hurumzi Mjimkongwe Mjini Zanzibar, anaongoza Wanafunzi 499, miongoni mwao Wanawake ni 262 na Wanaume ni 237, anasema, “Wanawake tunapaswa kujiamini. Tukiamua tunaweza kufikia malengo yetu ya kuongoza nchi yetu."

Walimu waskuli hiyo wanatumia mbinu kama kuunda klabu za uongozi na serikali za wanafunzi kuhamasisha wasichana kushiriki kikamilifu katika nafasi za uongozi.

Mchango wa Walimu Katika Kuandaa Viongozi wa Baadaye

Mwalimu Nihifadhi Juma Hamad wa Skuli ya Memon anasema, "Tunawaandaa wanafunzi kupitia serikali  ya wanafunzi, klabu za uongozi, na kuwashirikisha watoto wa kike katika majukumu mbalimbali."

Aidha, Mwalimu Masika Omar Salim anaongeza kuwa klabu za uongozi ni msingi wakuwajenga wasichana kujiamini na kuwa viongozi wa baadaye.

Kwa Skuli ya Benmbella, Mwalimu Bakari Mohammed anaeleza kuwa uchaguzi wa serikali za wanafunzi unawahamasisha watoto kujiamini. Rais wa wanafunzi huchagua baraza lake la mawaziri na kushiriki kikamilifu katika utawala wa shule.

Mtazamo wa Wazazi Katika Kukuza Viongozi wa Baadaye

Wazazi wana nafasi muhimu katika kuandaa watoto wa kike kuwa viongozi. Leyla Salum Juma, mzazi wa mwanafunzi wa Skuli ya Memon, anasema, "Watoto wasasa wanajitambua zaidi. Kama wazazi, ni jukumu letu kuwaunga mkono na kuhakikisha tunawapa matumaini katika ndoto zao."

Mwanakheri Mohamed Ali, mzazi mwingine, anahimiza wazazi kuwahoji watoto wao kuhusu ndoto zao za baadaye na kuwapa nafasi za kujifunza. "Watoto wote wanahitaji wasikilizwe. Tuwatie moyo katika malengo yao," alisema.



Jitihada za Serikali na Wizara ya Elimu

Afisa Elimu wa Wilaya ya Mjini, Hassan Abbass Hassan, anaeleza kuwa jitihada mbalimbali zinafanyika kupitia miongozo ya walimu na serikali za wanafunzi. "Hatujawahi kuwa na mwongozo rasmi wakukuza uongozi kwa watoto wa kike, lakini serikali za wanafunzi zimekuwa zikiwasaidia watoto kujifunza uongozi."

Suhuba Daud Issa, Mkuu wa Divisheni ya Huduma za Wanafunzi kutoka Wizara ya Elimu na Mafunzo ya Amali, anasema, "Tuna miradi kama Boys and Girls Science and Leadership Programme inayowawezesha watoto wa kike kuwa viongozi wa baadaye."



Hitimisho

Maandalizi ya watoto wa kike kuwa viongozi wa kesho yameonyesha mafanikio makubwa kupitia program mbalimbali shuleni, msaada wa walimu, na uungwaji mkono wa wazazi. Takwimu kutoka Global Partnership for Education zinaonyesha kuwa nchi zinazowekeza katika elimu ya watoto wa kike zina 70% ya uwezekano wakuwa na viongozi bora kwenye nafasi za kisiasa na kijamii katika siku zijazo.

Zanzibar ipo katika mwelekeo sahihi wakufanikisha mpango wake wa Maendeleo wa mwaka 2050, na jitihada hizi ni hatua muhimu kuelekea kujenga kizazi cha viongozi wa kike wenye maono na uwezo wakubadili jamii.

Labels:

Comments

Post a Comment

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

By
NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha  Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...
2 comments
Read more

'MKAPA' NA WENZAKE PEMBA WALAZWA RUMANDE

By
  NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...
Post a Comment
Read more

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

By
  NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...
Post a Comment
Read more

…….SUZA WATOA USHAURI WA ADHABU YA KUNYONGWA

By
  NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...
Post a Comment
Read more

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

By
  NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...
Post a Comment
Read more