Skip to main content

PEMBA SASA KUEKEZA NI DOLA MILIONI 10 KUTOKA 100 ZA AWALI

By

                                    


NA HAJI NASSOR, PEMBA@@@@

SERIKALI ya awamu ya nane inayoongozwa na Dk. Hussein Ali Mwinyi imedhamiria kwa vitendo kukiinua kisiwa cha Pemba kiuchumi.

Hii imekuja, baada ya kuonekana kisiwa cha Pemba kwa miaka mingi, kimeachwa nyuma, katika masuala ya ukuaji wa uchumi.

Lakini Dk. Mwinyi, hakuwa nyuma katika kuhakikisha wananchi wa Pemba wanapata maendeleo kama wenzao wa Unguja, na ndio maana akatenga maeneo maalum, kwa ajili ya uwekezaji mkakati.

Na miongoni mwa mambo, ambayo ameyafanya ili kuvutia wawekezaji ni kuimarisha miundombinu mbali mbali, pamoja na kuweka punguzo la bei kwa mwekezaji atakaeekeza.

Kuna mpango wa kujengwa uwanja wa ndege wa kimataifa, bandari ya kisasa pamoja na kuimarisha miundombinu ya barabara, umeme na maji katika maeneo yaliyotengwa kwa uwekezaji, ili uwekezaji uwe wa kiwango kizuri.

Kutokana na punguzo la bei lililowekwa kisiwani Pemba, itawahamasisha wawekezaji kufika kwa wingi na hiyo, ni hatua moja wapo ya kukifanya kisiwa hiki, kukua kiuchumi na kupata maendeleo.

Hii itawafanya wageni waekeze miradi mbali mbali, jambo ambalo litasaidia kunogesha zile ajira 300,000 ambazo Dk. Mwinyi aliwaahidi wananchi kipindi cha kampeni zake.

Pamoja na kwamba, kuna uwekezaji tangu hapo awali, lakini sasa Serikali ya awamu ya nane, imekuja na uwekezaji mkakati, ili kuimarisha zaidi suala la uwekezaji katika visiwa hivi.

Kwa sababu uwekezaji mkakati, ni tofauti na ule wa kawaida kutokana na kiwango cha fedha, kinachohitajika kwenye uwekezaji mkakati kuwa ni cha juu zaidi.

Pemba ni kisiwa ambacho kina malighafi nyingi na maeneo mengi ya uwekezaji, kwa kuliona hilo Dk. Mwinyi ameunda Wizara maalumu kwa ajili ya kushughulikia masula ya uwekezaji, ambayo yataimarisha uchumi wa wananchi wa kisiwa hicho.

Fadhila Hassan Abdalla ni Afisa Mdhamini Ofisi ya Rais Kazi, Uchumi na Uwekezaji Pemba anasema, Serikali imepanua wigo kwa kuweka uwekezaji mkakati, ambao ni lazima mradi wake utakaoanzishwa uwe ni wa kiwango kikubwa.

Hiyo itasaidia kukuza kipato cha wananchi na kuimarisha uchumi wa nchi, kwani watapata ajira za muda na za kudumu na hivyo, maisha yao yataimarika.

Lakini kutokana na kwamba, Serikali kutaka kukifungua kisiwa cha Pemba kiuwekezji, imeamua kupunguza bei kwa mwekezaji atakaefika kisiwani hapa kuwekeza, ukilinganisha na kule kisiwa cha Unguja.

Lengo ni kuwa, wawekezaji hao wafike kwa wingi kuwekeza, hali ambayo itapelekea kuimarika kwa kipato cha mtu mmoja mmoja na kuimarisha uchumi wa nchi, kutokana na fursa zitakazokuwepo za kiuchumi.

Mwekezaji anaetaka kuekeza kisiwa cha Pemba, anatakiwa kulipa kuanzia dola milioni 10, huku upande wa Unguja ni dola milioni 100, hii inaonesha dhahiri, dhamira ya Rais wa Zanzibar, kuifungua Pemba kiuchumi.

‘’Uwekezaji mkakati kwa kisiwa cha Unguja ni lazima mradi uwe na mtaji kuanzia dola milioni 100 na kwa Pemba ni lazima uanze na dola milioni 10, na muekezaji atapewa cheti cha kwamba yeye ni muekezaji mkakati,” anaelezea.

Kuwekwa dola milioni 10, kwa Pemba ni matakwa ya kiserikali, kuona kwamba miaka mingi haijafunguka kiuchumi na awamu ya nane inataka kuifungua.

Kwa hiyo, kuna fursa unazipata ukiwa mwekezaji mkakati au wa kawaida katika kisiwa cha Pemba, ambapo fursa hizo ni miongoni mwa masuala ya kodi na uingizaji wa vifaa, ambavyo vitatumika wakati wa ujenzi.

“Kwa mujibu wa sheria, muwekezaji mkakati anapewa miaka isiyopungua mitano (5) kuendesha biashara zake bila ya malipo, ukiachia mambo mengine anayopaswa kulipa, sasa hiyo ni fursa na Serikali imefanya hivyo makusudi kwa ajili ya kuchapuza uchumi,” anaelezea.




Na sasa tayari wameshapokea wawekezaji mkakati katika kisiwa cha Pemba kwa sababu kwenye visiwa vitano, ambavyo vitawekezwa, ni uwekezaji mkakati, lakini pia wana mradi wa hoteli ya nyota saba, amabayo itajengwa Makangale kwenye fukwe ya Vuma Wimbi.

Wanamategemeo makubwa kwamba, uwekezaji wa miradi mikakati utaongezeka, katika kisiwa hiki kwa sababu ya asili yake, mazingira pamoja na fursa kubwa walizopewa wawekezaji ambazo zimepangwa makusudi kwa mujibu wa sheria.

 “Kwa sasa hivi wawekezaji mkakati kisiwani hapa ni saba (7) na wawekeji wa kawaida tunayo miradi 17, inayotoa huduma, huku miradi 11 ikiwa katika hatua ya ujenzi na miradi kumi (10), ipo katika hatua ya awali.

Uwekezaji wa kawaida, kwa mkoa wa Kaskazini Pemba ni miradi 25 yenye ajira 600, ambapo miradi 11 inatoa huduma, miradi mitano (5) ipo katika hatua ya ujezi na miradi tisa (9) ipo katika hatua ya awali.

Katika eneo la Chamanangwe, kuna miradi maalumu minne mikubwa iliyojitokeza hadi sasa, eneo hilo limetengwa mahususi kwa ajili ya viwanda na lina ukubwa wa ekari 55.7.



“Kuna miradi ya maji pale, tumeshapokea mradi wa utengenezaji wa bati unaomilikiwa na mradi wa ‘Safina Group Limited’ ambao una mtaji wa zaidi ya Dola milioni 2, upo mradi wa kiwanda cha mwani na mradi wa kiwanda cha tomato paste, ambao huu una mtaji wa dola 500,000 ,” anaeleza Mdhamini.

Katika eneo hilo la Chamanangwe, wana miradi hiyo minne ya viwanda ambapo kuna wawekezaji tayari, wanatoa huduma lakini wengine tayari vyeti vyao vimeshatolewa, ambao wapo katika hatua za awali za kuandaa michoro na kufanya makisio kwa ajili ya kuanza shughuli.

Kwa Kaskazini Pemba miradi mengi iliyopo ni ya hoteli, hivyo miradi minne ya Chamanangwe ni maalumu katika maeneo ya viwanda na ni tofauti na ile miradi 25, ambapo ikijumlishwa ni miradi 29.

Upande wa Mkoa wa Kusini wana miradi ya kawaida 13 ambayo miradi mitano (5), ipo katika hatua ya ujenzi na miradi iliyo katika hatua ya awali ni mitatu (3).

Miradi saba, ambayo ni ya uwekezaji mkakati, mingi ni ya visiwa vidogo vidogo na ule wa hoteli ya nyota saba, itakayojengwa katika eneo la fukwe ya Vuma Wimbi Makangale wilaya ya Micheweni Pemba.

Na ndio maana,  eneo jingine la ujio wa miradi ya aina hii, inakuja pia kutekeleza kwa vitendo Ilani ya uchaguzi ya CCM ya mwaka 2020/2025 Ibara ya 139 (c) (ii) ya ‘kuimarisha ukusanyaji wa mapato ya ndani kutoka wastani wa shilingi bilioni 800.0 kwa mwaka 2019 hadi kufikia shilingi trilioni 1.55 kwa 2025’.

MAFANIKIO

Uwekezaji mkakati, utaleta mafanikio makubwa katika kisiwa cha Pemba kutokana na kuwa, ni uwekezaji ambao utakuwa na faida kubwa.

Ni kuongeza fursa za ajira kwa wananchi, kwani miradi itakuwa ni mikubwa, hivyo itaajiri watu wengi kuanzia katika hatua ya ujenzi na pia baada ya kumaliza wataajiri wafanyakazi.

“Hata mapato Serikalini yatakuwa tumeyakuza kwa kiasi fulani na jamii itafaidika katika hiyo miradi, hata ule mradi kuwepo tu kwenye eneo basi huduma nyingine za kijamii, zitaongezeka kwa asilimia kubwa,” anaeleza.

Wanachokitazamia zaidi katika miradi hiyo, wanataka mwekezaji anapohitaji wafanyakazi wa zile kada, ambazo zitakuwa zinapatikana kisiwani hapa, basi wawaajiri wananchi ili wafaidi uwekezaji kwa kukuza vipato vyao.

“Tunawashajiisha wawekezaji wa miradi mikakati na hii ya kawaida, wakiwa wamewekeza wenyeji zaidi, basi ile faida inabaki hapa, tofauti na miradi mengine ambayo moja kwa moja ni ya kigeni,” anafafanua.

Na kama wawekezaji watafurika kisiwani Pemba, hapa tutaitekeleza Ilani ya uchaguzi ya CCM ya mwaka 2020/2025, ambayo imedhamiria kukuza pato la taifa, kutoka thamani ya shilingi bilioni 2.4 kwa mwaka 2015 hadi shilingi trilioni 3.1 kwa Zanzibar.

                           Mwisho

 


Labels:

Comments

Post a Comment

BLOG'S VISITORS

DAKTARI MWENGINE CHAKE CHAKE KULA SIKUKUU POLISI, NI KWA TUHUMA ZA KUMBAKA MGONJWA WAKE

By
NA WAANDISHI WETU, PEMBA::: DAKTARI anaetoa huduma kwa wagonjwa kituo cha afya cha serikali cha  Gombani wilaya ya Chake Chake Pemba, Is-haka Rashid Hadid, anaendelea kushikiliwa na Jeshi la Polisi Mkoa wa kaskazini Pemba, akituhumiwa kumtorosha na kisha kumbaka mtoto wa mwenye umri wa miaka 16, mkaazi wa Gombani. Daktari huyo miaka 35 ni mkaazi wa Kangagani Wilaya ya Wete mkoani humo, ambapo anadaiwa alimchukua mtoto huyo kutoka kwa rafiki yake, na kumpeleka kwenye nyumba anayoishi eneo la Kangagani. Mtoto aliefanyiwa kitendo hicho alisema kuwa, April 21 mwaka huu alikwenda kituo cha afya Gombani, kwa ajili ya matibabu na baada ya kupatiwa huduma na daktari huyo, alimuomba nambari yake ya simu. Alisema ilipofika usiku, walikuwa wanawasiliana kupitia ujumbe mfupi (sms) kwa lengo la kwenda kuchukua dawa nyingine ambazo kwa mchana huo alizikosa hospitalini hapo. "Nilikwenda hospitali kutibiwa, baada ya kufanya mapele katika sehemu zangu za siri, lakini akaniambia mpaka aje da...
2 comments
Read more

'MKAPA' NA WENZAKE PEMBA WALAZWA RUMANDE

By
  NA HAJI NASSOR, PEMBA@@@@ MAHKAMA kuu Zanzibar kisiwani Pemba, chini ya Jaji Ibrahim Mzee Ibrahim, imewapeleka rumande watumuhimwa wanne wanaokabiliwa na tuhuma za kuua kwa makusudi, akiwemo Ali Mussa Omar ‘ Mkapa’ mkaazi wa Wawi wilaya ya Chake chake Pemba. Watuhumiwa wengine walioanza maisha mapya ya rumande ni mtuhumiwa Yassir Mohamed Juma miaka 23, Anuwari Mussa Omar miaka 30 pamoja na mtuhumiwa Yassir Mussa Omar ‘ Makababu ’ miaka 29, wote wakaazi wa shehia ya Wawi, wilaya ya Chake chake Pemba. Awali watuhumiwa hao waliwasili mahakamani hapo, kwa mara ya kwanza, kwa ajili ya kusomewa tuhma zinazowakabili za kumuua kwa maksudi Said Seif Kombo. Ilidaiwa mahakamani hapo na Mwendesha Mashtaka kutoka Ofisi ya Mkurugenzi wa Mashataka Seif Mohamed Khamis akiambatana na mwenzake Mussa Khamis Ali kuwa, watuhumiwa hao kwa pamoja wanadaia kufanya mauwaji hayo kwa maksudi. Ilidai kuwa, watuhumiwa wote kwa pamoja, walitenda kosa hilo Oktoba 16, mwaka huu, baina ya saa 7:00 m...
Post a Comment
Read more

HII KALI MBUNGE ASIYA AMKOGESHA MWANANCHI HADHARANI KISA HICHI HAPA......

By
  NA HAJI NASSOR, PEMBA MBUNGE wa viti maalum nafasi za wanawake mkoa wa kaskazini Pemba Asiya Sharif Omar, amewataka wananchi wa kijiji cha taifu, shehia ya Kinyasini jimbo la Gando wilaya ya Wete Pemba, kuyalinda miundombinu ya maji safi na salama, ili yawe endelevu kwao. Kauli hiyo ameitoa wakati alipokuwa akizungumza na mwandishi wa habari hizi, mara baada ya kuwasili kijijini humo, na kumkogesha mwananchi mmoja kama ishara ya uzinduzi wa mradi wa maji safi na salama, ulioasisiwa na mbunge wa Jimbo la Gando. Alisema, hawana mbadala kwa sasa bali ni kuilinda miundombinu ya huduma hiyo, hasa baada ya mbunge wa wao Salim Mussa Omar, kuwarejeshea huduma hiyo. Alieleza kuwa, inafahamika kuwa kwa miaka 14 waliikosa huduma hiyo hasa kwa vile viongozi waliokuwepo hawakujali kuwatatulia tatizo hilo, hadi juzi ilipofanywa na mbunge wao. “Baada ya huduma hii sasa kurejeshwa na mbunge wa jimbo la Gando, kazi iliyobakia kwenu wananchi ni kila mmoja kuwa mlinzi wa miundombinu hii,’...
Post a Comment
Read more

…….SUZA WATOA USHAURI WA ADHABU YA KUNYONGWA

By
  NA HAJI NASSOR, PEMBA@@@@ WANAFUNZI wanaosomea uwalimu Chuo cha taifa cha Zanzibar ‘SUZA’ kampasi ya Benjamin Wiliam Mkapa Wete Pemba, wamependekeza adhabu ya kunyongwa hadi kufa, kwa mtu atakaetiwa hatiani, kwa kosa la dawa za kulevya. Walisema, haiingii akili kuona, mahkama imeshamtia hatiani mtu kwa kukutwa na dawa za kulevya, ambazo huathiri nguvu kazi ya taifa na kisha, kupewa hukumu ya kifungo pekee. Wakizungumza leo Juni 26, 2024 kwenye kongamano la vyuo vikuu, juu ya masuala ya msaada wa kisheria, kuelekea wiki ya msaada wa kisheria Zanzibar, lililofanyika Chuoni hapo, walisema wakati umefika sasa kutolewa kwa hukumu hiyo. Walipendekeza kuwa, ni vyema kwa mtu anayetiwa hatiani asibakie chuo cha Mafunzo pekee kuitia tena hasara serikali kwa chakula na wakati mwingine matibabu, wakati tayari ameshasababisha madhara, kwa vijana. Mshiriki Juma Nafasi Juma, alifafanua kuwa kama mtu ameamua kuliumiza taifa kwa kuingiza, kusafirisha, kusambaaza dawa za kulevya, hivyo n...
Post a Comment
Read more

TUHMA ZA DAKTARI PEMBA KUCHIWA HURU: POLISI KASKAZINI KUTOA TAARIFA RASMI LEO

By
  NA HAJI NASSOR, PEMBA KAMANDA wa Polisi mkoa wa kaskazini Pemba, Juma Saad Khamis, amesema leo Mei 9, mwaka huu atatoa taarifa rasmi, juu ya kuendelea kumshikilia au kumpa dhamana ya Polisi, daktari wa Kituo cha Afya Gombani Is-haka Rashid Hadid, anayetuhumiwa kwa ubakaji. Alisema, kwa vile alikuwa katika mapumziko mafupi, haelewi jambo lolote linaloendelea kwa mtuhumiwa huyo, juu ya kuendelea kushikiliwa kwake kituoni hapo. Alieleza kuwa, leo Mei 6 (jana), hajapata taarifa za ndani za mtuhumiwa, huyo na kuwataka wananchi na wanaharakati, wasubirie hadi Jumatatu ijayo. Akizungumza na waandishi wa habari kwa nyakati tofauti Kamanda huyo, alisema hana taarifa zozote za kupewa dhamana mtuhumiwa ndani ya kituo chake cha Polisi au kuendelea kuwepo. ‘’Ilikuwa mimi sipo kazini kwa muda, kuanzia anakamatwa hadi anafikishwa Polisi, kwa sasa siwezi kueleza jambo lolote kwa mtuhumiwa huyo, hadi Jumatatu,’’alieleza. Aidha Kamanda huyo alieleza kuwa, kwa sasa hawezi kutoa uf...
Post a Comment
Read more