PEMBA TODAY

  NA MWANDISHI MAALUM-ZANZIBAR Katika juhudi za kuimarisha ushiriki wa wanawake katika uongozi na kukuza haki za kidemokrasia, Chama cha Waandishi wa Habari Wanawake Tanzania, Zanzibar (TAMWA- ZNZ) kimetoa mafunzo ya siku mbili kwa Wahamasishaji Jamii (Citizen Brigades) wapatao 60 kwa upande wa Unguja ikiwa ni sehemu ya programu ya kuimarisha uongozi kwa wanawake (SWIL) wenye lengo la kujenga jamii yenye usawa wa kijinsia kwa kuwawezesha wanawake kushika nafasi katika ngazi za maamuzi. Akizungumza wakati wa ufunguzi wa mafunzo hayo, Mkuu wa kitengo cha Mawasiliano TAMWA ZNZ, Saphia Ngalapi, ameeleza kuwa watekelezaji wa programu wana imani na wahamasishaji waliopatiwa mafunzo na kuwa watakuwa mabingwa wa kuhamasisha jamii juu ya haki za wanawake kushiriki katika uongozi. "Kupitia timu hii, tunatarajia mabadiliko katika kutoa elimu kwa jamii kuhusu haki ya demokrasia na uongozi kwa wanawake ili kufikia 50% kwa 50% katika ngazi za maamuzi, jambo litakalochangia kuleta maendele

  NA HAJI NASSOR, PEMBA@@@@ TIMU ya Wawi star, inayoshiriki ligi daraja la kwanza kanda ya Pemba, imeendelea kutimiza dhamira yake ya kupanda ligi kuu ya Zanzibar msimu ujao, baada ya tena jana, kuvuna alama tatu muhimu, mbele ya wenyeji timu ya El-Legado FC, baada ya kuikalisha chini kwa bao 1-0. Katika mchezo huo, uliokuwa wa kusisimua na kuhudhuriwa na watamazaji wengi kutoka mitaa ya Finya, ulichezwa majira ya saa 10:00 jioni, ndani ya dimba la FF Finya. Timu zote ziliuanza mchezo kwa kasi, huku kila mmoja akijaribu kumsoma mwenzake, na kukijitokeza mashambulizi ya kushtukiziana, kwa kila mara na kwa zamu. Wageni Wawi star, walianza kuwaamsha wenyeji wao, mnamo dakika ya 15, baada ya kupeleka shangwe zito langoni mwao, kisha shuti la Suleiman Seif Madeo, likatoka nje. E-legado kuona hivyo, nao mipango yao ilikaa sawa mnamo dakika 25, baada ya kulianzisha kwa kasi, kutoka upande wa mashariki mwa uwanja, kisha pasi nzuri ya kumalizia ikamfikia Ali Issa Mzinga, ingawa shut

    NA HAJI NASSOR, PEMBA@@@@ WAZIRI wa Nchi, Afisi ya Rais- Katiba, Sheria na Utawala Bora Zanzibar Mwalimu: Haroun Ali Suleiman, anatarajiwa kuwa mgeni rasmi, katika jukwaa la nne la msaada wa kisheria, linalotarajiwa kufanyika Zanzibar mwaka huu. Akizungumza na mwandishi wa habari hizi kwa njia ya simu, Mkurugenzi wa Idara ya Katiba na Msaada wa Kisheria Zanzibar hajjat: Hanifa Ramadhan Said, alisema maandalizi yote ya jukwaa hilo, yameshakamilika. Alisema, miongoni mwa mwaandalizi hayo ni kupatikana kwa mgeni rasmi, ukumbi, mialiko kwa washiriki 140 kutoka Tanzania bara, Kenya, Pemba na wenyeji kisiwani Unguja. Mkurugenzi huyo alieleza kuwa, kwa upande wa washiriki kutoka Kenya, Tanzania bara na hata Zanzibar ni watoa mada, ingawa kwa upande wa Pemba na Unguja washiriki, ni makundi mbali mbali. ‘’Kwa mfano katika jukwaa hili la nne, linalotarajiwa kufanyika kuanzia Novemba 20 hadi 21 mwaka huu, miongoni mwa waalikwa ni wasaidizi wa sheria na wanaasasi za kiraia,’’alifafan

Kamati ya wataalamu wa masuala ya Habari Zanzibar (ZAMECO) inayoundwa na Chama cha Waandishi wa Habari Wanawake Tanzania (TAMWA- Zanzibar), Baraza la Habari Tanzania (MCT), Jumuiya ya Waandishi wa Habari za Maendeleo Zanzibar (WAHAMAZA), Jukwaa la Watetezi wa Haki za Binadamu Tanzania (THRDC Zanzibar) , Klabu ya Waandishi wa Habari Zanzibar (ZPC) pamoja na Klabu ya Waandishi wa Habari Pemba (PPC) imelaani video inayosambaa kwenye mitandao ya kijamii ikionesha wasichana wawili wakirekodiwa na kuulizwa maswali yasio na maadili na yenye kuvunja heshima na haki za binaadamu.  Tukio hili limeibua hisia kali kwa wadau wa habari, watetezi wa haki za binaadamu na jamii kwa ujumla na kuibua maswali yasio na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari.  Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii kwa ujumla ni ukiukwaji wa haki za binaadamu, maadili ya uandishi wa habari, na kuvurug

  NA HAJI NASSOR, PEMBA@@@@ WANANCHI wa vijiji vya Tironi na Kionwa, wilaya ya Mkoani Pemba, wameikumbusha wizara ya Ujenzi, Mawasiliano na Uchukuzi Zanzibar, kuwafikiria ujenzi wa barabara yao kwa kiwango cha lami, iliyoanzia Mbunguwani. Walisema, wanaona wivu mkubwa kuona zipo barabara za ndani, kwa sasa zinaendelea na ujenzi, ambao yao haijaanza hata kupimwa. Wakizungumza na mwandishi wa habari hizi kijijini hapo, walisema wakati umefika kwa sasa, kwa wizara husika, kuwatupia jicho, ili waondokane na usumbufu hasa kipincdi cha mvua. Walisema, barabara yao imekuwa ikitoa kwa wingi zao la taifa la karafuu, hivyo ni vyema sasa mapato ya nchi hii, yakaelekezwa kwao, kwa ujenzi wa barabara yao. Mmoja kati ya wananchi hao Maryam Haji Khamis, alisema wamekuwa wakipata dhiki, hasa wanapopata uhamisho wa kimatibabu. ‘’Kwa mfano sisi wazazi, wakati mwingine tunahitajika kwenda kirufaa hospitali ya wilaya ya Mkoani, lakini usumbufu, ni uwepo wa barabara iliyochakaa,’’alieleza.

  NA HAJI NASSOR, PEMBA@@@@ MWEMVULI wa asasi za kiraia Pemba ‘PACSO’ umekutana na wadau wake, ili kuibua changamoto za kisheria na kisera, zinazotajwa kurejesha nyuma, utendaji wa kazi zao na jamii kwa ujumla. Akizungumza kwenye mkutano huo uliofanyika leo Novemba 3, 2024 ukumbi wa Maktaba Chake chake, Katibu Mkuu wa ‘PACSO’ Sifuni Ali Haji, alisema lengo la mkutano huo, ni kuibua changamoto hizo na kuzifanyia kazi. Alisema, ‘PACSO’ kwa sasa inaendelea na utekelezaji wa mradi wa urai wetu, ambapo moja ya eneo la utekelezaji wake, ni kuibua changamoto za kisheria na sera, zinazokwaza makundi ya vijana, wanawake na watu wenye ulemavu. Alieleza kuwa, changamoto hizo kisha, huziwasilisha kwa jumuia pacha wanaotekeleza mradi huo pamoja, ambayo ni Jumuiya ya wanawake wenye ulemavu Zanzibar ‘JUWAUZA’. Katibu Mkuu huyo alifahamisha kuwa, mfano wa jambo kama hilo, tayari zipo changamoto ambazo awali ya mwaka huu, ziliibuliwa na ‘PACSO’ na kuzifikisha kwa ‘JUWAUZA’ kwa hatua ya kuzi

  NA HAJI NASSOR, PEMBA@@@@ WIZARA ya Elimu na Mafunzo ya Amali Zanzibar, imewatahadharisha wazazi, walezi na vijana wanaosubiri ajira za uwalimu, kuwa makini kwani, kwani matapeli wanaweza kuingilia kati zoezi hilo. Wizara hiyo imesema, matapeli wanaweza kuwahadaa wazazi, walezi au wataka ajaira hizo, na kuanza kuwapa maelekezo mingine yasiokuwa au yanayofafana na ya wizara, ili kuwatoleshea fedha. Akizungumza na waandishi wa habari Pemba, Katibu Mkuu wa wizara hiyo Khamis Abdalla Said, alisema ni kweli, katika mwaka huu wa fedha, wizra inaompango wa kuajiri waalimu, lakini nao matapeli wanaweza kutumia fursa hiyo. Alieleza kuwa, ndio maana wizara imeona iwatahadharishe wazazi na vijana wenyewe mapema, ili zoezi litakapoanza lisije kuwaathiri wananchi. Katibu mkuu huyo alieleza kuwa, maana wakati huo wa zoezi likiwa katika mchakato, wapo wanaoonekana kulalamikiwa, baada ya kupigiwa simu wakiahidiwa kusaidiwa kupata ajira hizo. ‘’Wizara ya Elim una Mafunzo ya Amali, inach

  NA HAJI NASSOR, PEMBA@@@@ WANANCHI na waendesha vyombo vya moto wanaotumia barabara ya Meli tano- Wete, wamesema zoezi la utiaji wa lami wa barabara hiyo, ndio wameanza kujenga matumiani ya kuitumia barabara hiyo bila ya usumbufu. Walisema, sasa wanaamini na kuanza kusahau machungu waliyodumu nayo kwa miaka zaidi ya 20, kufuatia kuharibika kwa miundombinu ya barabara hiyo bila ya kufanyiwa matengenezo. Wakizungumza na mwandishi wa habari hizi, walisema kwa sasa hawana shaka ten ana nia ya serikali ya kuwatengenezea barabara hiyo, hasa baada ya kuanza kwa zoezi la utiaji wa lami wiki tatu zilizopita. Walisema, kwa sasa hawana wasi wasi na kuwataka wenzao wanaoitumia kutoa ushirikiano wa karibu na mafundi hao, ili zoezi hili liwe rahisi kwao. Mmoja katia ya wananchi hao Mwanajuma Haji Nassor ‘anti mwaju’ alisema zaidi ya miaka 30, barabara hiyo ilikuwa ikitajwa kuuanza ujenzi wake bila ya mafanikio. Alieleza kuwa, walifika pahala walishindwa kuamini nia thabiti ya serikali

  NA HAJI NASSOR, PEMBA@@@@ RAIS wa Zanzibar na Mwenyekiti wa Baraza la Mapinduzi Dk. Hussein Ali Mwinyi, amesema ameshayatekeleza kwa vitendo, aliyowaaahidi wananchi, ikiwemo ujenzi wa madarasa 2,773 katika skuli zote za Unguja na Pemba. Alisema, Ilani ya CCM ya mwaka 2020/2025 iliitaka serikali kujenga madarasa 1,500 ingawa wameshavuuka lengo hilo, kwa asilimia 184, na bado kazi inaendelea. Dk. Mwinyi aliyasema hayo jana, mara baada ya kuifungua skuli ya skondari ya ghorofa tatu ya Konde wilaya ya Micheweni mkoa wa kaskazini Pemba, ikiwa ni shamra shamra za miaka minne ya uongozi wake. Alisema, serikali imepanga hadi kufikia mwaka 2025, iwe imeshajenga vyumba 2,000 vya madarasa katika skuli zote za Unguja na Pemba, ili kuondoa mikondo miwili. Alisema kama kuna watu wanapiga porojo na kusema, uongo waangalie takwimu kutoka wizara ya elimu, zitadhihirisha ahadi zake kwa wananchi. Akizungumza mafanikio mingine, alisema ni kuongezeka kwa bajeti ya mikopo ya elimu ya juu, ku

  NA HAJI NASSOR, PEMBA@@@@ NI majira ya saa 10: 00 jioni, katika pita pita zangu, niliangukia kijiji cha Fuuweni, kilichomo ndani ya shehia ya Mfikiwa, wilaya ya Chake chake Pemba. Pita pita yangu, ilisikia harufu ya asali kwa mbali, kwa vile mramba asali harambi mara moja, hata hiyo harufu nami sikutosheka kuisikia mara moja. Nilipoangaza macho juu, niliwaona nyuki wakitoka upande wa mashariki na kwenda magharibi mwa kijiji hicho, hapo lakini ghafla niligundua kuwa, ni wale wanaofugwa. Si nilishazoea kila ninapoona nyuki, basi huwa ni wale wa msituni na kufua (kuvuna) unajipangia mwenyewe, lakini kumbe hawa ni wale waliochini ya himaya ya vijana wa kijiji cha Fuuweni shehiani hapo. Sikutaka kuonekana mwizi, la hashaa….nilimvuta kijana mmoja pembeni nikamuuliza, ikiwa wahusika wa wanaofuga mizinga hiyo, wapo karibu ili nizungumze nao. Walishasema wahenga nyota njema huuonekana alfajiri, nami nilibahatika kuzungumza na Msaidizi Katibu wa ushirika huo wa ‘Jambo nia’ Salum Ms